سەمەيدە تۇرعىن ٷي كەشەنٸنٸڭ قۇرىلىسىندا قولىنان ايىرىلعان 20 جاستاعى ستۋدەنتكە قاتىستى تەرگەۋ اياقتالدى, دەپ حابارلايدى dalanews.kz.
ەڭبەك ينسپەكتسيياسى وقيعاعا تولىقتاي جۇمىس بەرۋشٸ كٸنەلٸ دەگەن قورىتىندى شىعاردى.
قايعىلى جاعداي 11 سەۋٸر كٷنٸ جاڭا تۇرعىن ٷي كەشەنٸنٸڭ قۇرىلىسىندا بولعان. تەرگەۋ مەلٸمەتٸنشە, جۇمىس بەرۋشٸ ستۋدەنتتٸ ەڭبەك قاۋٸپسٸزدٸگٸ بويىنشا نۇسقامادان ٶتكٸزبەي جۇمىسقا جٸبەرگەن جەنە ونىمەن رەسمي ەڭبەك كەلٸسٸمشارتىن جاساماعان.
ستۋدەنت بەتون ارالاستىرعىش قۇرىلعىنى تازالاماق بولعان كەزدە ونىڭ قولىن اپپارات تارتىپ كەتٸپ, شىنتاقتان جوعارى جۇلىپ العان.
جاس جٸگٸت اۋىر جاعدايدا اۋرۋحاناعا جەتكٸزٸلٸپ, وعان شۇعىل وتا جاسالعان.
اباي وبلىسى بويىنشا مەملەكەتتٸك ەڭبەك ينسپەكتسيياسى كوميتەتٸ دەپارتامەنتٸنٸڭ مەلٸمەتٸنشە, جەكە كەسٸپكەرگە بٸردەن التى ەكٸمشٸلٸك حاتتاما تولتىرىلعان.
«جۇمىس بەرۋشٸ ەڭبەك شارتىن جاساماعانى, ەڭبەك قاۋٸپسٸزدٸگٸ بويىنشا وقىتۋ مەن نۇسقاما ٶتكٸزبەگەنٸ, سونداي-اق جازاتايىم جاعدايدان ساقتاندىرۋ كەلٸسٸمٸن رەسٸمدەمەگەنٸ ٷشٸن ەكٸمشٸلٸك جاۋاپكەرشٸلٸككە تارتىلدى», - دەپ حابارلادى دەپارتامەنت.
جۇمىس بەرۋشٸگە جالپى كٶلەمٸ 160 اەك نەمەسە شامامەن 692 مىڭ تەڭگە ايىپپۇل سالىنعان.
سونىمەن قاتار زارداپ شەككەن ستۋدەنتكە دەنساۋلىعىنا كەلتٸرٸلگەن زييان ٷشٸن جۇمىس بەرۋشٸدەن سوت ارقىلى ٶتەماقى ٶندٸرۋ ۇسىنىلعان.
