2026 jylǵy 7 mamyrda Astanada jańa «Ádilet» saiasi partiiasynyń quryltai sezi ótip, partiianyń resmi qyzmeti bastaldy. Sezge Qazaqstannyń barlyq óńirinen 1000-ǵa jýyq delegat qatysty, dep habarlaidy dalanews.kz.
Sezd barysynda delegattar uiymnyń resmi ataýyn – «Ádilet» saiasi partiiasy» qoǵamdyq birlestigi retinde bekitip, Jarǵysy men baǵdarlamasyn qabyldady. Sondai-aq basshylyq quramy men partiia tóraǵasyn sailady.
Partiia tóraǵasy bolyp Dádebai Aibek Arqabaiuly sailandy.
Delegattar aldynda sóz sóilegen «Ádilet» partiiasynyń tóraǵasy negizgi jumys baǵyttaryn aiqyndady:
«Bizdiń partiiamyzdyń negizi zań ústemdigi men tártip qaǵidattaryna qurylady. Halyqtyń zań ústemdigine degen senimi – memlekettiń basty resýrsy ári tiregi. Sondyqtan bizdiń negizgi mindetimiz – ádildikti jariialaý ǵana emes, ony ortaq mádenietimizdiń ajyramas bóligine ári kúndelikti ómirimizdiń shartyna ainaldyrý. Basqasha aitqanda, Ádildik ulttyq sana men bolmystyń airyqsha sipatyna ainalýǵa tiis. Memleket basshysy Qasym-Jomart Toqaev óz nazaryn únemi dál osy baǵytqa aýdaryp keledi», – dedi Aibek Dádebai.
«Ádilet» partiiasy óz qyzmetin zań jáne tártip, tiimdi institýttar, qýatty óńirler – qýatty el, is júzindegi Halyq únine qulaq asatyn memleket, ádiletti ári básekege qabiletti ekonomika, áleýmettik yntymaq pen ataýly qoldaý, adami áleýetke basymdyq berý, tsifrlyq memleket, Taza Qazaqstan, jaýapty orta derjava jáne jańa geosaiasi etika qaǵidattary tóńireginde qurady.
«Ádilet» ideologiiasynyń negizinde Qazaqstannyń jarqyn bolashaǵy ár azamattyń búgingi kúndelikti tańdaýy arqyly qalyptasady degen senim jatyr. Bul – adal eńbek etý, zańdy qurmetteý jáne el ómirine beijai qaramai, qoǵam isine belsendi atsalysý.
«Bizdiń niettesterimiz – dál osyndai azamattar. Olar – belsendi, jaýapkershiligi joǵary, el damýyna úles qosatyn jandar. Biz birge eńbek etemiz, jumysty ashyq, adal ári qoǵam aldynda esep bere otyryp júrgizemiz. Biz jeńil sheshimder usynbaimyz. Júieli, jaýapty jáne dáiekti jumys júrgizýge ýáde beremiz», – dep atap ótti Aibek Dádebai.
Partiia ustanymdary qazaqstandyqtardyń keń qoldaýyna ie boldy. 30 sáýirde iske qosylǵan http://adilet-partiyasy.kz/ tsifrlyq platformasy arqyly partiia qataryna kirýge 9000-nan astam ótinish kelip tústi.
Partiianyń qurylýy 2026 jylǵy 15 naýryzda qabyldanǵan Qazaqstan Respýblikasynyń jańa Konstitýtsiiasynda bekitilgen qundylyqtardyń is júzindegi naqty kórinisi boldy. Quryltai sezi «Ádilettiń» Táýelsizdik býynynyń partiiasy retindegi mártebesin rastap, onyń ókildi demokratiia institýttary men zań ústemdigin nyǵaitýǵa baǵyttalǵanyn kórsetti.
