– Budan bólek aýdanymyzdaǵy jumyssyzdyq deńgeiin azaitý, halyqqa jumys kózin tabý, aýdandy abattyndyrý máselesin naqty qolǵa alatyn bolamyz. Buryn aýdan ortalyǵy Jetisai bolatyn, al qazir aýdan ekige bólindi, Maqtaaral aýdanynyń ortalyǵy Myrzakent 21 jyl qaraýsyz qalǵany jasyryn emes. Osy olqylyqtyń ornyn toltyrý qajet, – deidi ol.
Ákimniń aitýynsha, osy turǵyda aýdan ortalyǵynda tazalyq jumystaryn júrgizý bastalyp ketken. Ázir Myrzakentti kúl-qoqystardan tazartý jumysy júrip jatyr.
– Buryn kóshelerde mal jaiylyp júre beretin, qazir mal júrmeidi, ýchaskelik politsiialar aiyppul salady. Jaqynda ǵana Almaty qalasynan bilikti dizainerlerdi aýdan ortalyǵyna shaqyrdyq. Kógaldandyrý, abattandyrý, skverler men fontandardy qalypqa keltiredi.
Gúlzarlar, taldar egiletin bolady. Qazirde aýyl sharýashylyǵy ónim. 8 myńǵa jýyq sharýa qojalyqtary bar. Maqta óte kúrdeli jumysty qajet etedi, kishkentai bala sekildi oǵan kútim qajet. Maqtadan kóp nárse shyǵarýǵa bolady. Naqtyraq aitsaq, 800 túrli zat shyǵarýǵa bolady. Bizdiń sharýalar osy múmkindikti paidalana almai otyr. Shikizat kúiinde ǵana satyp otyr. Sondyqtan biz aldaǵy ýaqyttary sharýashylyqtardy irilendirýge orai kooperativter quramyz, — deidi bul rette Baqyt Asanov.
