Almatyda qala kósheleriniń burynǵy ataýlaryn atap, áleýmettik jelide daý týdyrǵan blogerge sot aiyppul saldy, dep habarlaidy dalanews.kz.
Áńgime bloger Aigerim Berdalievaǵa (Mini Knopka) qatysty. Ol Threads jelisindegi jazbasynda Almatynyń qazirgi ataýlarynyń ornyna «Lenina», «Fýrmanova» siiaqty burynǵy ataýlardy qoldanyp, áleýmettik jeli qoldanýshylarynyń qyzý talqysyna túsken.
Jazbada balaǵat sózder de qoldanylǵan. Osydan keiin blogerdiń ústinen quqyq qorǵaý organdaryna aryz túsip, daý qoǵamdyq rezonansqa ulasty. Keiin Berdalieva jazbasyn óshirip, óz áreketine bailanysty kópshilikten keshirim surady.
Sot blogerdi ákimshilik jaýapkershilikke tartyp, oǵan aiyppul saldy.
Oqiǵaǵa qatysty buǵan deiin Eurasian Fashion Week te blogerdiń sýretteri ornalastyrylǵan jarnamalyq materialdardy alyp tastaitynyn málimdegen.
