Premer-ministr Oljas Bektenov óńirlerdegi jol qurylysy men jóndeý jumystarynyń sapasyn baqylaýdy kúsheitýdi tapsyrdy, dep habarlaidy dalanews.kz.
Úkimettiń baspasóz qyzmetiniń málimetinshe, premer-ministr tiisti tapsyrmany Ónerkásip jáne qurylys ministrligine, sondai-aq oblys ákimdikterine bergen.
Bektenovtiń aitýynsha, óńirlik infraqurylymdy jańǵyrtý jáne joldardyń sapasyn jaqsartý – Prezident únemi nazarda ustap otyrǵan máselelerdiń biri.
"Ortalyqtan qajetti qarajat bólinýde. Jergilikti jerlerde onyń maqsatty jumsalýyna, eń bastysy – jumys sapasyna baqylaýdy kúsheitý qajet", – dedi Úkimet basshysy.
Premer-ministr el ishindegi jáne halyqaralyq mańyzy bar joldar barlyq sapa talaptaryna sai bolýy kerektigin atap ótti.
Onyń sózinshe, ákimdikter óz aýmaǵyndaǵy jol jóndeý jumystaryna tikelei baqylaý júrgizýge tiis.
"Azamattardyń shaǵymdarynyń basym bóligi dál osy ishki joldarǵa qatysty. Bul máseleni qatań baqylaýǵa alyńyzdar", – dedi Oljas Bektenov.
Biyl Qazaqstanda 11 myń shaqyrymnan astam avtojol qurylys, rekonstrýktsiialaý jáne jóndeý jumystarymen qamtylǵan.
Úkimet málimetinshe, keiingi jeti jylda elimizde 36,3 myń shaqyrym avtomobil joly salynyp, jóndelgen.
