– بۇدان بٶلەك اۋدانىمىزداعى جۇمىسسىزدىق دەڭگەيٸن ازايتۋ, حالىققا جۇمىس كٶزٸن تابۋ, اۋداندى اباتتىندىرۋ مەسەلەسٸن ناقتى قولعا الاتىن بولامىز. بۇرىن اۋدان ورتالىعى جەتٸساي بولاتىن, ال قازٸر اۋدان ەكٸگە بٶلٸندٸ, ماقتاارال اۋدانىنىڭ ورتالىعى مىرزاكەنت 21 جىل قاراۋسىز قالعانى جاسىرىن ەمەس. وسى ولقىلىقتىڭ ورنىن تولتىرۋ قاجەت, – دەيدٸ ول.
ەكٸمنٸڭ ايتۋىنشا, وسى تۇرعىدا اۋدان ورتالىعىندا تازالىق جۇمىستارىن جٷرگٸزۋ باستالىپ كەتكەن. ەزٸر مىرزاكەنتتٸ كٷل-قوقىستاردان تازارتۋ جۇمىسى جٷرٸپ جاتىر.
– بۇرىن كٶشەلەردە مال جايىلىپ جٷرە بەرەتٸن, قازٸر مال جٷرمەيدٸ, ۋچاسكەلٸك پوليتسييالار ايىپپۇل سالادى. جاقىندا عانا الماتى قالاسىنان بٸلٸكتٸ ديزاينەرلەردٸ اۋدان ورتالىعىنا شاقىردىق. كٶگالداندىرۋ, اباتتاندىرۋ, سكۆەرلەر مەن فونتانداردى قالىپقا كەلتٸرەدٸ.
گٷلزارلار, تالدار ەگٸلەتٸن بولادى. قازٸردە اۋىل شارۋاشىلىعى ٶنٸم. 8 مىڭعا جۋىق شارۋا قوجالىقتارى بار. ماقتا ٶتە كٷردەلٸ جۇمىستى قاجەت ەتەدٸ, كٸشكەنتاي بالا سەكٸلدٸ وعان كٷتٸم قاجەت. ماقتادان كٶپ نەرسە شىعارۋعا بولادى. ناقتىراق ايتساق, 800 تٷرلٸ زات شىعارۋعا بولادى. بٸزدٸڭ شارۋالار وسى مٷمكٸندٸكتٸ پايدالانا الماي وتىر. شيكٸزات كٷيٸندە عانا ساتىپ وتىر. سوندىقتان بٸز الداعى ۋاقىتتارى شارۋاشىلىقتاردى ٸرٸلەندٸرۋگە وراي كووپەراتيۆتەر قۇرامىز, — دەيدٸ بۇل رەتتە باقىت اسانوۆ.
