الماتىنىڭ تٷركسٸب اۋدانىندا جاڭا قالالىق كٸتاپحانا جۇمىسىن باستادى. بۇل تۋرالى الماتى قالاسى مەدەنيەت باسقارماسىنىڭ باسپاسٶز قىزمەتٸ حابارلادى, دەپ حابارلايدى dalanews.kz.
جاڭا كٸتاپحانا مەملەكەت باسشىسى قاسىم-جومارت توقاەۆتىڭ قوعامدا كٸتاپ وقۋ مەدەنيەتٸن دامىتۋعا جەنە زيياتكەرلٸك ەلەۋەتتٸ ارتتىرۋعا باعىتتالعان «وقيتىن ۇلت» باستاماسى اياسىندا اشىلدى.
جاڭا قالالىق كٸتاپحانا – تۇرعىنداردىڭ كٸتاپ وقۋىنا, بٸلٸم الۋىنا جەنە بوس ۋاقىتىن مازمۇندى ٶتكٸزۋٸنە ارنالعان زاماناۋي مەدەني-اعارتۋشىلىق كەڭٸستٸك. كٸتاپحانانىڭ جالپى اۋدانى 340 شارشى مەتر, ال كٸتاپ قورى 10 مىڭنان استام باسىلىمدى قامتيدى.
مۇندا وقىرمانداردىڭ جاس ەرەكشەلٸكتەرٸ مەن قىزىعۋشىلىقتارى ەسكەرٸلٸپ, قازاق, ورىس جەنە شەت تٸلدەرٸندەگٸ كٶركەم ەدەبيەت, بالالار ەدەبيەتٸ, تانىمدىق جەنە عىلىمي-كٶپشٸلٸك باسىلىمدار, سونداي-اق تٷرلٸ جانرداعى زاماناۋي كٸتاپتار ۇسىنىلعان.
كەلۋشٸلەر ٷشٸن جايلى وقۋ زالى, كٸتاپتاردى ٷيگە الىپ وقۋعا مٷمكٸندٸك بەرەتٸن ابونەمەنت بٶلٸمٸ, بالالارعا ارنالعان ايماقتار, كومپيۋتەرلەرمەن جابدىقتالعان جۇمىس ورنى, ارنايى قۇرىلعىلار جەنە كٸتاپتاردى ٶز بەتٸنشە الىپ, قايتارۋعا ارنالعان «اقىلدى سٶرەلەر» قاراستىرىلعان. زاماناۋي تەحنولوگييا كٸتاپ الۋ جەنە قايتارۋ ٷدەرٸسٸن وقىرماندار ٷشٸن بارىنشا ىڭعايلى ەرٸ جىلدام ەتەدٸ.
جاڭا مەدەني كەڭٸستٸك اۋدان تۇرعىندارىنىڭ كٸتاپ وقۋعا دەگەن قىزىعۋشىلىعىن ارتتىرۋعا, سونداي-اق ولاردىڭ مەدەني جەنە زيياتكەرلٸك دامۋىنا قولايلى جاعداي جاساۋعا باعىتتالعان.
مەكەنجايى: تٷركسٸب اۋدانى, قوناەۆ اتىنداعى باۋ-باقشا كووپەراتيۆٸنٸڭ اۋماعى, 336/37.
جۇمىس ۋاقىتى: كٷن سايىن ساعات 09:00-دەن 20:00-گە دەيٸن.
قازٸرگٸ تاڭدا الماتىدا 32 قالالىق كٸتاپحانا جۇمىس ٸستەيدٸ. ونىڭ جەتەۋٸ تەۋلٸك بويى, ياعني 24/7 رەجيمٸندە قىزمەت كٶرسەتەدٸ.
سونىمەن قاتار تۇرعىنداردىڭ كٸتاپقا قولجەتٸمدٸلٸگٸن ارتتىرۋ ماقساتىندا قالانىڭ ساۋدا ورتالىقتارىندا كٸتاپ بەرەتٸن ەكٸ پۋنكت, ال كەلۋشٸلەر كٶپ جينالاتىن ورىنداردا ٶزٸنە-ٶزٸ قىزمەت كٶرسەتۋگە ارنالعان 32 اۆتونومدى كٸتاپحانا جۇمىس ٸستەيدٸ.
جاڭا كٸتاپحانانىڭ اشىلۋى تٷركسٸب اۋدانى تۇرعىندارى ٷشٸن بٸلٸم مەن مەدەنيەتتٸ دامىتۋعا ارنالعان زاماناۋي كەڭٸستٸك قالىپتاستىرىپ, كٸتاپحانا قىزمەتتەرٸنٸڭ قولجەتٸمدٸلٸگٸن ارتتىرۋعا مٷمكٸندٸك بەرەدٸ.
