Oralda ata-ana qamqorlyǵynsyz qalǵandar sanaty boiynsha turǵyn úi kezeginde turǵan azamatty esepten shyǵarý zańsyz dep tanyldy, dep habarlaidy dalanews.kz.
Batys Qazaqstan oblysynyń soty azamat A.-nyń 2013 jyldan beri kommýnaldyq turǵyn úi qorynan baspanaǵa muqtajdar esebinde turǵanyn anyqtaǵan. Alaida keiin ol belgisiz sebeptermen kezekten shyǵarylǵan.
Azamat bul sheshimmen kelispei, sotqa júgingen. Sot onyń áleýmettik osal topqa jatatynyn eskerip, turǵyn úi esebinen shyǵarýǵa zańdy negiz bolmaǵanyn anyqtady.
Sot sheshimimen azamatty turǵyn úi kezeginen shyǵarý zańsyz dep tanylyp, ákimshilik talap aryz qanaǵattandyryldy.
Sottyń túsindirýinshe, zań boiynsha jetim balalar men ata-ana qamqorlyǵynsyz qalǵan, turǵyn úige muqtaj retinde belgilengen tártippen esepke qoiylǵan azamattar baspanamen qamtamasyz etilgenge deiin turǵyn úi kezeginen shyǵarylmaýy tiis.
