AQSh memlekettik hatshysy Marko Rýbio Resei men Ýkraina arasyndaǵy soǵys «qaýipti tyǵyryqqa» tirelgenin málimdedi, dep habarlaidy dalanews.kz.
Rýbio bul týraly 8 qazanda Portýgaliiaǵa sapary kezinde jýrnalisterge aitty. Onyń sózinshe, AQSh ákimshiligi qaqtyǵysty turaqty ári ádil kelisim arqyly toqtatýǵa kúsh salýdy jalǵastyrady.
«Biz bul soǵystyń turaqty, uzaq merzimdi jáne ádil kelisim arqyly aiaqtalǵanyn qalaimyz. Osy baǵytta jumysty jalǵastyrýǵa mindettimiz», – dedi AQSh memlekettik hatshysy.
Rýbionyń aitýynsha, AQSh prezidenti Donald Tramptyń ákimshiligi sońǵy aptalarda soǵysty toqtatýǵa baǵyttalǵan kelissózderdi qaita jandandyrýǵa tyrysyp jatyr. Ýkraina ókilderi juma jáne senbi kúnderi AQSh-qa kelissózder júrgizý úshin barmaq.
AQSh memlekettik hatshysy qaqtyǵystyń odan ári órshýi jaǵdaidy qaýipti deńgeige jetkizýi múmkin ekenin eskertti. Onyń aitýynsha, eskalatsiia NATO-ǵa múshe kórshi memleketterdegi diversiialyq áreketterge ulasyp, qazirgi ekijaqty soǵysty áldeqaida keń ári qaýipti aimaqtyq qaqtyǵysqa ainaldyrýy yqtimal.
Rýbio Vashington kelissózderge yqpal etýge daiyn ekenin aitty. Sonymen birge AQSh naqty ilgerileý bolmasa, nátijesiz protsesterge qatysýdy jalǵastyrmaitynyn atap ótti.
«Bul soǵys kelissózder arqyly aiaqtalýy kerek. Neǵurlym tezirek bolsa, soǵurlym jaqsy. AQSh osy protseske yqpal etýge daiyn», – dedi ol.
