Almatyda bir túnde 13 kólikke zaqym keldi. Bul jaǵdaiǵa qala ákimdiginiń baspasóz qyzmeti pikir bildirdi, - dep habarlaidy Dalanews.kz.
Eń úlken júkteme Amanjol kóshesinde boldy, munda jol tósemi opyrylýy saldarynan 13 kólikke zaqym keldi.
Áýezov aýdany ákimi apparatynyń dereginshe, buǵan deiin osy ýchaskede "Spetsstroi Grýpp LTD" JShS merdigerlik uiymy sýmen jabdyqtaý jáne káriz jelilerin salý jumystaryn júrgizgen. "QazaqGaz" AQ gaz qubyrynyń josparlanǵan qurylysyna bailanysty asfaltbeton jabyny tolyq qalpyna keltirilmegen.
"Qazir Amanjol kóshesi jabyldy. Zaqym kelgen kólikterdi evakýatsiialaý, topyraqty shyǵarý jáne ornyn toltyrý jumystary bastaldy. Merdiger uiym zardap shekken kólikterdiń ielerine kelgen zalaldy óteýge mindetteldi. Jaǵdai ákimdiktiń baqylaýynda", - dedi ákimdik ókilderi.
Taǵy bir qiyndyq týdyrǵan ýchaske - Manas pen Jandosov kósheleri qiylysy. Munda aryq jelisi sý astynda qalǵan. Ákimdik málimetinshe, aryqty tazartý, sý aǵyzý jumystary júrgizilip, qapshyqtar men qorshaýlar qoiylǵan.
