الماتىدا ءبىر تۇندە 13 كولىككە زاقىم كەلدى. بۇل جاعدايعا قالا اكىمدىگىنىڭ باسپا ءسوز قىزمەتى پىكىر ءبىلدىردى، - دەپ حابارلايدى Dalanews.kz.
ەڭ ۇلكەن جۇكتەمە امانجول كوشەسىندە بولدى، مۇندا جول توسەمى وپىرىلۋى سالدارىنان 13 كولىككە زاقىم كەلدى.
اۋەزوۆ اۋدانى اكىمى اپپاراتىنىڭ دەرەگىنشە، بۇعان دەيىن وسى ۋچاسكەدە "سپەسستروي گرۋپپ لتد" ج ش س مەردىگەرلىك ۇيىمى سۋمەن جابدىقتاۋ جانە كارىز جەلىلەرىن سالۋ جۇمىستارىن جۇرگىزگەن. "QazaqGaz" اق گاز قۇبىرىنىڭ جوسپارلانعان قۇرىلىسىنا بايلانىستى اسفالتبەتون جابىنى تولىق قالپىنا كەلتىرىلمەگەن.
"ءقازىر امانجول كوشەسى جابىلدى. زاقىم كەلگەن كولىكتەردى ەۆاكۋاسيالاۋ، توپىراقتى شىعارۋ جانە ورنىن تولتىرۋ جۇمىستارى باستالدى. مەردىگەر ۇيىم زارداپ شەككەن كولىكتەردىڭ يەلەرىنە كەلگەن زالالدى وتەۋگە مىندەتتەلدى. جاعداي اكىمدىكتىڭ باقىلاۋىندا"، - دەدى اكىمدىك وكىلدەرى.
تاعى ءبىر قيىندىق تۋدىرعان ۋچاسكە - ماناس پەن جاندوسوۆ كوشەلەرى قيىلىسى. مۇندا ارىق جەلىسى سۋ استىندا قالعان. اكىمدىك مالىمەتىنشە، ارىقتى تازارتۋ، سۋ اعىزۋ جۇمىستارى جۇرگىزىلىپ، قاپشىقتار مەن قورشاۋلار قويىلعان.
