Aqmola oblysynda qazaq kúresinen ótken jarysta aýyr jaraqat alǵan 15 jastaǵy sportshy Perýash Qarymuly qaıtys boldy, dep habarlaıdy Dalanews.kz HALYQSTAN-ǵa silteme jasap.
Jas palýannyń súıegi týǵan jeri Aqtóbege jetkizildi. Qazir jaqyndary jerleý rásimine daıyndalyp jatyr.
Qaıǵyly jaǵdaı 7 qyrkúıekte Ereımentaý qalasynda ótken halyqaralyq týrnır kezinde bolǵan. 2010–2011 jyly týǵan jasóspirimder arasyndaǵy 50 kelige deıingi salmaqta beldesken aqtóbelik sportshy sátsiz ádis jasaý saldarynan moıyn omyrtqasyn syndyryp alǵan.
Ol dereý Astanadaǵy aýrýhanaǵa jetkizildi. Dárigerler birneshe kún boıy onyń ómiri úshin kúreskenimen, jas sportshyny qutqara almady.
Aqmola oblystyq polısıa departamenti bul oqıǵaǵa baılanysty qylmystyq is qozǵalyp, sotqa deıingi tergeý júrip jatqanyn málimdedi.
