Atap aitqanda, tarihi kieli aimaq - 89 gektar; qurylys salýdy retteý aimaǵy - 98 gektar; ákimshilik-iskerlik ortalyǵy - 700 gektar aýmaqta ornalasqan. Bul týraly búgin Túrkistan oblysynyń ákimi Janseiit Túimebaev QR Ortalyq kommýnikatsiia qyzmeti uiymdastyrǵan kóshpeli brifingte málimdedi.
Aimaq basshysy baiandamasynda 3 aýmaq boiynsha boi kóteretin ǵimarattardy atap ótti.
«Birinshi aimaq: Túrkistan qalasyndaǵy tarihi kieli aimaqta ornalasqan H.A.Iasaýi kesenesiniń aýmaǵyndaǵy 89 gektar jer telimine amfiteatr, sý burqaqtary, mádeni demalys oryndary, vizit ortalyǵy jáne ashyq aspan astyndaǵy murajai ǵimarattattary boi kóteretin bolady. Ekinshi aimaq: qurylys jumystaryn retteý aimaǵyna «Qazaqstan-Nazarbaev» ortalyǵy, «Qazaq handary, bileri» ortalyǵy, Shyǵys monshasy, «Uly dala eli» ortalyǵy, Túrki áleminiń ortalyǵy, H.A.Iasaýi ortalyǵy, Astana saiabaǵy, Beineleý-óner murajaiy jáne Tarihi-mádeni oryndar ortalyǵynyń ǵimarattary salynady. Úshinshi aimaq: ákimshilik iskerlik ortalyǵyn damýy aimaǵynda 700 gektar jer telimin 3 kezeńge bólip qarastyrylýda», - dedi Janseiit Qanseiituly.
Qazirgi tańda, Túrkistan qalasyn túrki áleminiń mádeni-rýhani ortalyǵy retinde damytýdyń bas jospary tujyrymdamasyn ázirleý maqsatynda konkýrs uiymdastyrlyp, ótkizildi.
Barlyǵy 22 joba joldansa, onyń 15-i zańdy tulǵalar jáne 7-i jeke tulǵalar konkýrsqa qatysty. Sonyń ishinde, Túrkiiadan-2, Koreia elinen-2, Óskemen qalasynan-1, Almaty qalasynan-6, Astana qalasynan-6, Shymkent qalasynan-4, Túrkistan qalasynan-1. Memlekettik komissiianyń sheshimine sáikes, 2018 jyldyń 29 qyrkúiek kúni Elbasynyń Túrkistan oblysyna is-sapar barysynda Túrkistan qalasyn túrki áleminiń mádeni-rýhani ortalyǵy retinde damytý jónindegi bas jospardyń tujyrymdamasyn maquldaý týraly QR Prezidentiniń Jarlyǵy jaryq kórdi.
Tujyrymdamaǵa sáikes, halyq sanynyń ósýine bailanysty mynadai jobalyq kezeńder qabyldandy: bastapqy merzim - 2018 jyly 161 myń adam; eseptik merzim- 2035 jyly 350 myń adam; boljamdyq merzim - 2050 jyly 500 myń adam qamtylady.
Qalanyń aýmaǵyn damytýdyń jalpy aýdan perspektivasynda 500 myń adamdy quraityn halyqtyń sany úshin 25 000 gektar jer kólemi qajet etedi. Qalanyń jańa qurylysynyń sáýlet stili jergilikti ulttyq salt-dástúrge súienetin bolady. Josparlaý qurylymynyń negizgi qaǵidaty qalanyń barlyq tusynan kórinýge tiis Qoja Ahmet Iasaýi kesenesi bolyp tabylady.
Túrkistan oblysynyń áleýmettik-ekonomikalyq damýynyń 2024 jylǵa deiingi keshendi josparyna sáikes, 2018-2022 jyldary 170 investitsiialyq jobalardyń jobalaý-smetalyq qujattamalary ázirlenýi tiis.
Investitsiialyq jobalardyń JSQ-y memlekettik biýdjet qarajaty esebinen, memlekettik-jekeshelik áriptestik tetigi jáne jeke investitsiialar arqyly ázirlenetin bolady. Keshendi josparda, iske asyrylatyn investitsiialyq jobalardyń jobalaý-smetalyq qujattamalary densaýlyq saqtaý, áleýmettik qorǵaý, bilim berý, mádeniet, sport, týrizm, turǵyn úi, injenerlik-kommýnikatsiialyq infraqurylym, ákimshilik ǵimarattar, quqyq qorǵaý salalarynda ázirlenedi.
