Almaty qalasynyń burynǵy ákimi Erbolat Dosaevtyń uly Nurlan Asqarbekov Astana halyqaralyq qarjy ortalyǵynda (AHQO) tirkelgen jańa IT-kompaniianyń basshysy bolyp taǵaiyndaldy, dep habarlaidy dalanews.kz.
Ashyq derekterge sáikes, Pivot Limited kompaniiasy 2026 jylǵy 2 qazanda tirkelgen. Kompaniia aqparattyq tehnologiialar salasynda keń aýqymdy qyzmet kórsetýdi josparlap otyr. Atap aitqanda, kompaniia baǵdarlamalyq qamtamasyz etýdi ázirleý jáne synaýmen, jasandy intellekt pen robototehnikaǵa negizdelgen sheshimder jasaýmen, biznes-protsesterdi avtomattandyrýmen, aqparattyq júielerdi integratsiialaýmen, ǵylymi-zertteý jumystarymen jáne tehnikalyq qoldaý kórsetýmen ainalyspaq.
Nurlan Asqarbekov kompaniiany basqarýmen qatar onyń menshik qurylymyna da qatysady. Ashyq málimetter boiynsha, onyń Pivot Limited-pen bailanysy Circle Limited jáne Sonder Limited kompaniialary arqyly júzege asady. Sonder Limited kompaniiasynyń teń quryltaishylary qatarynda Nurlan Asqarbekov pen Haichuan Shen bar.
Bul Asqarbekovtiń alǵashqy biznes-jobasy emes. Ol buǵan deiin de Sonder Holdings, Sonder Limited, General Creativity Enterprise Limited kompaniialaryn, sondai-aq Steppe Coffee kofehanasyn basqarǵan.
Ázirge ashyq derekkózderde Pivot Limited kompaniiasynyń júzege asyrǵan jobalary, klientteri nemese memlekettik tapsyrystary týraly aqparat jariialanbaǵan. Kompaniia jaqynda ǵana tirkelgendikten, onyń naqty qyzmet nátijeleri aldaǵy ýaqytta belgili bolady.
