Dúniejúzilik bank Qazaqstandaǵy tehnologiialyq startaptardy damytý jáne ekonomikany ártaraptandyrýǵa baǵyttalǵan jobaǵa $75 mln nesie bólýdi maquldady, dep habarlaidy dalanews.kz.
Dúniejúzilik banktiń atqarýshy direktorlar keńesi 11,9997 mlrd japon ienine teń, iaǵni shamamen $75 mln kólemindegi qaryzdy maquldaǵan. Qarjy tehnologiialyq startaptardy qurýǵa, kommertsiialandyrýǵa jáne aýqymyn keńeitýge baǵyttalady.
Joba «Jasandy intellekt salasyndaǵy oqytý, kásipkerlik jáne naryqtardy damytý» (ALEM) dep atalady. Onyń negizgi maqsaty – Qazaqstandaǵy ónimdilikke negizdelgen ekonomikalyq ósýdi qoldaý, joǵary bilikti jumys oryndaryn qurý jáne tehnologiialyq sektorǵa jeke investitsiia tartý.
Dúniejúzilik banktiń málimetinshe, joba nátijesinde 10 myń jumys ornyn qurý kózdelip otyr. Bul úshin tórt baǵytqa basymdyq beriledi: tsifrlyq mamandar daiarlaý, joǵary ónimdi esepteý resýrstaryna qoljetimdilikti keńeitý, robototehnika salasyndaǵy prototipteý infraqurylymyn damytý jáne ósip kele jatqan startaptarǵa venchýrlik qarjy tapshylyǵyn azaitý.
Joba 2031 jyldyń jeltoqsanyna deiin 28 myń jastyń tereńdetilgen daiarlyq baǵdarlamalarynan ótýine múmkindik berýdi josparlap otyr. Sonymen qatar 800 startapqa qoldaý kórsetilip, 50-den astam kompaniiaǵa venchýrlik investitsiia tartýǵa jáne keminde $60 mln jeke kapital jumyldyrýǵa niet bar.
Dúniejúzilik banktiń baǵalaýynsha, Eýropa men Ortalyq Aziiadaǵy AI negizindegi baǵdarlamalyq qamtamasyz etýdi engizgen kompaniialardyń ónimdiligi orta eseppen 10–20 paiyzǵa joǵary.
Joba Halyqaralyq qaita qurý jáne damý banki arqyly qarjylandyrylady. Ony Qazaqstannyń Jasandy intellekt jáne tsifrlyq damý ministrligi Astana Hub jáne Alem Capital Management kompaniiasymen birlesip júzege asyrady.
