دٷنيەجٷزٸلٸك بانك قازاقستانداعى تەحنولوگييالىق ستارتاپتاردى دامىتۋ جەنە ەكونوميكانى ەرتاراپتاندىرۋعا باعىتتالعان جوباعا $75 ملن نەسيە بٶلۋدٸ ماقۇلدادى, دەپ حابارلايدى dalanews.kz.
دٷنيەجٷزٸلٸك بانكتٸڭ اتقارۋشى ديرەكتورلار كەڭەسٸ 11,9997 ملرد جاپون يەنٸنە تەڭ, ياعني شامامەن $75 ملن كٶلەمٸندەگٸ قارىزدى ماقۇلداعان. قارجى تەحنولوگييالىق ستارتاپتاردى قۇرۋعا, كوممەرتسييالاندىرۋعا جەنە اۋقىمىن كەڭەيتۋگە باعىتتالادى.
جوبا «جاساندى ينتەللەكت سالاسىنداعى وقىتۋ, كەسٸپكەرلٸك جەنە نارىقتاردى دامىتۋ» (ALEM) دەپ اتالادى. ونىڭ نەگٸزگٸ ماقساتى – قازاقستانداعى ٶنٸمدٸلٸككە نەگٸزدەلگەن ەكونوميكالىق ٶسۋدٸ قولداۋ, جوعارى بٸلٸكتٸ جۇمىس ورىندارىن قۇرۋ جەنە تەحنولوگييالىق سەكتورعا جەكە ينۆەستيتسييا تارتۋ.
دٷنيەجٷزٸلٸك بانكتٸڭ مەلٸمەتٸنشە, جوبا نەتيجەسٸندە 10 مىڭ جۇمىس ورنىن قۇرۋ كٶزدەلٸپ وتىر. بۇل ٷشٸن تٶرت باعىتقا باسىمدىق بەرٸلەدٸ: تسيفرلىق ماماندار دايارلاۋ, جوعارى ٶنٸمدٸ ەسەپتەۋ رەسۋرستارىنا قولجەتٸمدٸلٸكتٸ كەڭەيتۋ, روبوتوتەحنيكا سالاسىنداعى پروتوتيپتەۋ ينفراقۇرىلىمىن دامىتۋ جەنە ٶسٸپ كەلە جاتقان ستارتاپتارعا ۆەنچۋرلٸك قارجى تاپشىلىعىن ازايتۋ.
جوبا 2031 جىلدىڭ جەلتوقسانىنا دەيٸن 28 مىڭ جاستىڭ تەرەڭدەتٸلگەن دايارلىق باعدارلامالارىنان ٶتۋٸنە مٷمكٸندٸك بەرۋدٸ جوسپارلاپ وتىر. سونىمەن قاتار 800 ستارتاپقا قولداۋ كٶرسەتٸلٸپ, 50-دەن استام كومپانيياعا ۆەنچۋرلٸك ينۆەستيتسييا تارتۋعا جەنە كەمٸندە $60 ملن جەكە كاپيتال جۇمىلدىرۋعا نيەت بار.
دٷنيەجٷزٸلٸك بانكتٸڭ باعالاۋىنشا, ەۋروپا مەن ورتالىق ازيياداعى AI نەگٸزٸندەگٸ باعدارلامالىق قامتاماسىز ەتۋدٸ ەنگٸزگەن كومپانييالاردىڭ ٶنٸمدٸلٸگٸ ورتا ەسەپپەن 10–20 پايىزعا جوعارى.
جوبا حالىقارالىق قايتا قۇرۋ جەنە دامۋ بانكٸ ارقىلى قارجىلاندىرىلادى. ونى قازاقستاننىڭ جاساندى ينتەللەكت جەنە تسيفرلىق دامۋ مينيسترلٸگٸ Astana Hub جەنە Alem Capital Management كومپانيياسىمەن بٸرلەسٸپ جٷزەگە اسىرادى.
