Mundai erekshe syilyq jasaýdaǵy maqsat – tarihy tereńde jatqan qyzǵaldaqtyń mánin kópshilikke jetkizý. Sebebi, qazaq dalasyna kórik bergen qyzǵaldaqty ata-babamyz jumaq gúline balaǵan. Sáýir aiynyń sońynda gúldep, 15 kún ǵana «ómir súretin» qyzǵaldaq qazaqtar úshin Naýryzdyń simvoly bolyp sanalady.
Jalpy, qazaq dalasynda qyzǵaldaq gúliniń 32 túri kezdesedi. Onyń 12-si endemikalyq, iaǵni, tek qazaq jerinde ǵana ósetin túr bolyp sanalady. Osydan bolar, Qazaqstan «Qyzǵaldaqtyń otany» atanǵan. Ǵalymdar dáleldegendei, atalmysh gúl qazaq dalasynan búkil jer júzine taralǵan.
Túrkistan óńirinde kóptep kezdesetin qyzǵaldaqtyń beinesi Qoja Ahmet Iasaýi kesenesindegi juqa kirpishterde, Otyrar dalasyndaǵy ortaǵasyrlyq qyshtardan da kórinis beredi. Áziret sultan kesenesindegi áigili taiqazanda da qyzǵaldaq beinelengen. Kóne nanym boiynsha, qyzǵaldaq sóziniń maǵynasy – Allaǵa jáne adamǵa degen mahabbat. Tipti onyń sulýlyǵyna qyzyqqan halyq «patshalar gúli» dep te ataǵan.
Aita keteiik, 2018 jyldan bastap tabiǵatymyzdyń kórkem syilarynyń biri qyzǵaldaqty dáriptep, keiingi urpaqqa bar mańyzdylyǵyn jetkizý maqsatynda «Aqsý-Jabaǵyly alaýy, Shubaiqyzyl-jalaýy!» atty qyzǵaldaqtar festivalin ótkizý Túrkistan óńirinde dástúrge ainalǵan.
Elordany náziktik pen sulýlyqqa toltyrýǵa niettengen túrkistandyq jastar biregei syidyń Nur-Sultandyqtarǵa unaitynyna senimdi.
Túrkistan oblysy ákiminiń baspasóz qyzmeti
