Eńbek jáne halyqty áleýmettik qorǵaý ministrligi Qazaqstan azamattarynyń Koreia Respýblikasyna kóshi-qonyna baqylaýdy kúsheitpek,- dep habarlaidy Dalanews.kz.
Eńbek jáne halyqty áleýmettik qorǵaý birinshi vitse-ministri Asqarbek Ertaev Ishki ister jáne Syrtqy ister ministrlikteriniń ókilderimen kezdesti.
"Kezdesý qorytyndysy boiynsha Qazaqstan Respýblikasynyń Koreia Respýblikasyndaǵy elshiliginde politsiia attashesi taǵaiyndalatyny týraly máseleler talqylandy. Ol Qazaqstan azamattarynyń osy elde bolýyn, onyń ishinde zańsyz kóshi-qondy jáne zańsyz eńbek qyzmetin qadaǵalaidy", - dep jazylǵan habarlamada.
Eńbek jáne halyqty áleýmettik qorǵaý ministrligi bul máseleni turaqty baqylaýǵa aldy. Anyqtalǵan barlyq zańbuzýshylyq der kezinde tirkelip, ári qarai qarastyrý úshin Qazaqstan Respýblikasynyń jáne Koreia Respýblikasynyń ýákiletti organdaryna joldanady.
