Aqtaýlyq prokýror Erbolat Abdırov qamaýǵa alyndy, dep habarlaıdy Dalanews.kz.
“Aq Jaıyq” basylymynyń jazýynsha, Abdırovtyń ustalýyna masań kúıde janjal shyǵarýy sebep bolǵan.
“Aqtaý qalasynyń prokýrory, aǵa ádilet keńesshisi Erbolat Abdırovty Almaty áýejaıynda İİM Kóliktegi polısıa departamentiniń qyzmetkerleri ustady. Oqıǵa onyń demalys kezinde Astanadan kelgen reısten keıin oryn alǵan”, – delingen habarlamada.
Berilgen málimetke sáıkes, Abdırovqa qatysty ÁQBtK-niń 440-babynyń 1-bóligi (alkogóldik ishimdikterdi ishý nemese qoǵamdyq oryndarǵa masań kúıde kelý) jáne 434-babynyń 1-bóligi (usaq buzaqylyq: qoǵamdyq oryndarda balaǵat sózder aıtý, azamattarǵa til tıgizip tıisý jáne qoǵamdyq tártipti buzatyn ózge de áreketter) boıynsha ákimshilik hattamalar toltyrylǵan.
