اقتاۋلىق پروكۋرور ەربولات ابديروۆ قاماۋعا الىندى، دەپ حابارلايدى Dalanews.kz.
“اق جايىق” باسىلىمىنىڭ جازۋىنشا، ابديروۆتىڭ ۇستالۋىنا ماساڭ كۇيدە جانجال شىعارۋى سەبەپ بولعان.
“اقتاۋ قالاسىنىڭ پروكۋرورى، اعا ادىلەت كەڭەسشىسى ەربولات ابديروۆتى الماتى اۋەجايىندا ءىىم كولىكتەگى پوليسيا دەپارتامەنتىنىڭ قىزمەتكەرلەرى ۇستادى. وقيعا ونىڭ دەمالىس كەزىندە استانادان كەلگەن رەيستەن كەيىن ورىن العان”، – دەلىنگەن حابارلامادا.
بەرىلگەن مالىمەتكە سايكەس، ابديروۆقا قاتىستى اقبتك-نىڭ 440-بابىنىڭ 1-بولىگى (الكوگولدىك ىشىمدىكتەردى ءىشۋ نەمەسە قوعامدىق ورىندارعا ماساڭ كۇيدە كەلۋ) جانە 434-بابىنىڭ 1-بولىگى (ۇساق بۇزاقىلىق: قوعامدىق ورىنداردا بالاعات سوزدەر ايتۋ، ازاماتتارعا ءتىل تيگىزىپ ءتيىسۋ جانە قوعامدىق ءتارتىپتى بۇزاتىن وزگە دە ارەكەتتەر) بويىنشا اكىمشىلىك حاتتامالار تولتىرىلعان.
