Premer-ministr Oljas Bektenov Memleket basshysy Qasym-Jomart Toqaevtyń halyqqa Joldaýynda aitqan tapsyrmalaryn oryndaý merzimderin belgiledi, dep habarlaidy Dalanews.kz.
Onyń aitýynsha, Úkimet alǵa qoiylǵan mindetterdi der kezinde ári sapaly oryndaýǵa nietti.
“Ulttyq ekonomika ministrligine múddeli memlekettik organdarmen birlesip, bir apta ishinde Memleket basshysynyń Joldaýyn iske asyrý jónindegi jalpyulttyq jospardyń jobasyn ázirlep, kelesi Úkimet otyrysyna shyǵarý qajet. Árbir tarmaqqa naqty jaýapty bekitilip, eń bastysy – nátije bolýy tiis. Úkimet qabyldaityn barlyq shara azamattarymyzdyń ómir súrý deńgeii men ál-aýqatyn arttyrýǵa baǵyttalýy kerek”, – dedi Bektenov ministrler kabineti múshelerine.
Sóz sońynda Premer-ministr mynadai qosymsha tapsyrmalar berdi.
