Almaly aýdanynynyń komúnıtı ortalyǵynda «Qamqor Charity» qoǵamdyq qory Respýblıkalyq qan ortalyǵymen birlesip «Bir tamshy qan – bir ómir» atty qaıyrymdylyq aksıasyn uıymdastyrdy, dep habarlaıdy Dalanews.kz.

İs-sharanyń basty maqsaty – donorlyq mádenıetti damytý, erikti túrde qan tapsyrýdy nasıhattaý jáne adam ómirin saqtaýǵa úles qosý.

Aksıaǵa qoǵamdyq keńes músheleri, eriktiler, qala turǵyndary jáne Tótenshe jaǵdaılar departamentiniń qyzmetkerleri qatysty. Sonyń nátıjesinde 200-den astam donor óz erkimen qan tapsyryp, naýqastardyń saýyǵyp ketýine úles qosty.

«Bul aksıanyń basty qundylyǵy – qoǵamda donorlyq mádenıetti qalyptastyrý. Árbir tamshy qan adam ómirin qutqara alady. Eriktiler men belsendi azamattardyń mundaı bastamalarǵa qatysýy olardyń azamattyq jaýapkershiligi men ózara qoldaýdyń aıqyn kórinisi. Aldaǵy ýaqytta mundaı is-sharalardy turaqty túrde ótkizip, muqtaj jandarǵa úmit syılaýdy jalǵastyramyz», – dedi «Qamqor Charity» qorynyń jetekshisi Baǵdat Anarbaeva.

Uıymdastyrýshylardyń aıtýynsha, osyndaı aksıalar aldaǵy ýaqytta da jalǵasyp, Almaty jastary arasynda donorlyq mádenıetti damytýǵa serpin bermek.