Qyzylorda oblysynda jerdi memleketke qaitarý jumystary jalǵasýda. Biyl 60 myń gektar jerdi memleket menshigine qaitarý josparlanǵan bolsa, qazirdiń ózinde onyń 43 myń gektary qaitaryldy,- dep habarlaidy Dalanews.kz
Oblystyq aýyl sharýashylyǵy jáne jer qatynastary basqarmasynyń málimetinshe, 2024 jyldyń qorytyndysymen óńirde 77,5 myń gektar jer memleketke alyndy.
— Memleket basshysynyń tapsyrmasy boiynsha 2022–2024 jyldar aralyǵynda oblysta jalpy 460,2 myń gektar jer memleket menshigine qaitaryldy. Onyń ishinde 93,6 myń gektary qaitadan ainalymǵa engizildi, — delingen basqarma habarlamasynda.
Statistikalyq derekke sáikes, Qyzylorda oblysynyń jalpy jer kólemi 24,1 mln gektardy quraidy. Onyń ishinde 2,9 mln gektary aýyl sharýashylyǵy maqsatynda paidalanýǵa arnalǵan.
