Astanada esirtki qylmystarynyń aldyn alý jáne tyiym salynǵan zattardy qoldanýdyń ziiany týraly bir ailyq aktsiia jalǵasýda. Sonyń aiasynda D.Qonaev atyndaǵy kolledj stýdentterine profilaktikalyq dáris ótkizildi,- dep habarlaidy Dalanews.kz
Eske salaiyq, «Zań jáne tártip» tujyrymdamasy aiasynda elordada nashaqorlyqqa qarsy 30 kúndik keshendi profilaktikalyq sharalar bastalǵan bolatyn. Baǵdarlamaǵa birlesken reidter, oqý oryndarynda túsindirý sabaqtary, sondai-aq tyiym salynǵan zattardy taratatyn internet-resýrstardy anyqtap, joiý jumystary kiredi.
Nashaqorlyqtyń aldyn alý jáne esirtki qylmystarymen kúres qalalyq prokýratýra men politsiia departamentiniń úilestirýimen júrgizilýde. Onyń aiasynda elordanyń mektepteri men kolledjderinde kún saiyn profilaktikalyq dárister uiymdastyrylyp keledi.
D.Qonaev atyndaǵy kolledjdiń birinshi kýrs stýdentterimen kezdesýge elordadaǵy Almaty aýdany politsiia basqarmasynyń qyzmetkeri, «álemdegi eń kúshti politsei» retinde alty márte Ginnes rekordtar kitabyna engen Baýyrjan Kamaliev jáne bloger, sportshy ári rekord iesi Arman Súleimen qatysty.
Olar stýdentterge esirtki túrleri, onyń ziiany jáne ondai zattardan qalai saqtaný kerektigi týraly aityp berdi.
Sondai-aq, esirtkini taratý, saqtaý jáne qoldanǵany úshin zań aldyndaǵy jaýapkershilikti eske saldy.
«Qymbatty stýdentter, eger sizderge esirtki taratyp, jeńil aqsha tabýdy, iaǵni «jasyryn jetkizýshi» bolýdy usynsa, eń aldymen bolashaǵyńyzdy, ata-analaryńyzdyń siz úshin alańdaitynyn oilańyzdar», – dep jastarǵa ún qatty Arman Súleimen.
Kezdesýde belsendilik tanytqan stýdentter estelik syilyqtarmen marapattaldy.
