3-9 qyrkúiek kúnderi Qyrǵyz Respýblikasynyń Cholpon-Ata qalasynda joǵary oqý oryndary stýdentteri arasynda III Túrki ýniversiadasy ótti, dep habarlaidy Dalanews.kz.
Ýniversiadaǵa Túrki memleketteri uiymyna múshe elderdiń stýdent-sportshylary qatysty. Atap aitqanda, Qazaqstan Respýblikasy, Ázerbaijan Respýblikasy, Qyrǵyz Respýblikasy, Túrkiia Respýblikasy jáne Ózbekstan Respýblikasy sportshylary. Jarys voleibol, fýtzal, ústel tennisi, shahmat, dziýdo, erkin kúres jáne grek-rim kúresi siiaqty 7 sport túri boiynsha ótedi.
III Túrki ýniversiadasyna barlyǵy 5 elden 450 delegat qatyssa, Qazaqstan quramasyn 15 joǵary oqý ornynan kelgen 66 sportshy tanystyrdy. Olar barlyq 7 sport túrinen baq synady.
Jarys qorytyndysy boiynsha qazaqstandyq stýdentter 8 altyn, 4 kúmis jáne 11 qola, jalpy sany 23 medal ielendi.
Kelesi IV Túrki ýniversiadasy 2027 jyly Túrkiia Respýblikasynda ótedi.
