Jetour Ecocrew ekologıalyq qozǵalysynyń qatysýshylary İle ózeniniń jaǵasyn tazalaý boıynsha kóshpeli aksıa uıymdastyrdy. Senbiliktiń nátıjesinde 50-den astam qap qoqys jınalyp, olar ári qaraı óńdeýge jiberý úshin Qoqys suryptaý keshenine jetkizildi, dep habarlaıdy Dalanews.kz.

Aksıaǵa Jetour T2 jol talǵamaıtyn kólikteriniń ıeleri, sonyń ishinde pikir kóshbasshylary Rýslan Ibragımov pen Rýslan Muqanov, sondaı-aq qazaqstandyq Allur avtomobıldik tobyna kiretin Jetour Qazaqstan dıstrıbútorlyq kompanıasynyń qyzmetkerleri qatysty.

Shara bastalar aldynda qatysýshylarǵa qaýipsizdik tehnıkasy jáne qoqysty bólek jınaý negizderi boıynsha nusqaýlyq berildi. Uıymdastyrýshylar qajetti qural-jabdyqpen – qolǵaptarmen, qaptarmen jáne tazalaý aımaqtarynyń belgilengen syzbasymen qamtamasyz etti. Negizgi nazar demalýshylar jıi baratyn eń lastanǵan aýmaqtarǵa aýdaryldy.

"Bizdiń otbasymyz saıahattaǵandy jaqsy kóredi, sondyqtan osyndaı jol talǵamaıtyn kólikti tańdadyq – ol Qazaqstannyń ásem tabıǵatyn óz betińshe ashýǵa múmkindik beredi. Biz sıaqty adamdar kóp, sondyqtan árkim óz demalysyna jaýapty bolyp, tabıǵatty bar bolmysymen saqtaýǵa tyryssa deımiz. Sonda bolashaq urpaq ta odan lázzat ala alady", — dedi aksıaǵa qatysýshy, Jetour T2 ıesi Aman.

"Kóp adamnyń kishkentaı qadamy úlken nátıje beredi: birge biz súıikti oryndarymyzdyń tazalyǵyn saqtap, saıahattaýdy anaǵurlym jaýapty ete alamyz. İledegi aksıaǵa qosylǵan barlyq azamattarǵa alǵys bildiremiz jáne almatylyqtar men qala qonaqtaryn qarapaıym erejelerdi saqtaýǵa – qoqysty ózimen birge alyp ketýge jáne tabıǵı ınfraqurylymǵa uqypty qaraýǵa shaqyramyz", — dep atap ótti Jetour Qazaqstan ókili Aıgúl Jamınova.

Kompanıanyń aıtýynsha, Jetour Ecocrew – bir rettik bastama ǵana emes, avtosúıer qaýymdy jáne tabıǵatqa beıjaı qaramaıtyn adamdardy biriktiretin turaqty ekologıalyq qozǵalys.