Jetour Ecocrew ەكولوگيالىق قوزعالىسىنىڭ قاتىسۋشىلارى ىلە وزەنىنىڭ جاعاسىن تازالاۋ بويىنشا كوشپەلى اكسيا ۇيىمداستىردى. سەنبىلىكتىڭ ناتيجەسىندە 50-دەن استام قاپ قوقىس جينالىپ، ولار ءارى قاراي وڭدەۋگە جىبەرۋ ءۇشىن قوقىس سۇرىپتاۋ كەشەنىنە جەتكىزىلدى، دەپ حابارلايدى Dalanews.kz.

اكسياعا Jetour T2 جول تالعامايتىن كولىكتەرىنىڭ يەلەرى، سونىڭ ىشىندە پىكىر كوشباسشىلارى رۋسلان يبراگيموۆ پەن رۋسلان مۇقانوۆ، سونداي-اق قازاقستاندىق Allur اۆتوموبيلدىك توبىنا كىرەتىن Jetour Qazaqstan ديستريبيۋتورلىق كومپانياسىنىڭ قىزمەتكەرلەرى قاتىستى.

شارا باستالار الدىندا قاتىسۋشىلارعا قاۋىپسىزدىك تەحنيكاسى جانە قوقىستى بولەك جيناۋ نەگىزدەرى بويىنشا نۇسقاۋلىق بەرىلدى. ۇيىمداستىرۋشىلار قاجەتتى قۇرال-جابدىقپەن – قولعاپتارمەن، قاپتارمەن جانە تازالاۋ ايماقتارىنىڭ بەلگىلەنگەن سىزباسىمەن قامتاماسىز ەتتى. نەگىزگى نازار دەمالۋشىلار ءجيى باراتىن ەڭ لاستانعان اۋماقتارعا اۋدارىلدى.

"ءبىزدىڭ وتباسىمىز ساياحاتتاعاندى جاقسى كورەدى، سوندىقتان وسىنداي جول تالعامايتىن كولىكتى تاڭدادىق – ول قازاقستاننىڭ اسەم تابيعاتىن ءوز بەتىڭشە اشۋعا مۇمكىندىك بەرەدى. ءبىز سياقتى ادامدار كوپ، سوندىقتان اركىم ءوز دەمالىسىنا جاۋاپتى بولىپ، تابيعاتتى بار بولمىسىمەن ساقتاۋعا تىرىسسا دەيمىز. سوندا بولاشاق ۇرپاق تا ودان ءلاززات الا الادى"، — دەدى اكسياعا قاتىسۋشى، Jetour T2 يەسى امان.

"كوپ ادامنىڭ كىشكەنتاي قادامى ۇلكەن ناتيجە بەرەدى: بىرگە ءبىز سۇيىكتى ورىندارىمىزدىڭ تازالىعىن ساقتاپ، ساياحاتتاۋدى اناعۇرلىم جاۋاپتى ەتە الامىز. ىلەدەگى اكسياعا قوسىلعان بارلىق ازاماتتارعا العىس بىلدىرەمىز جانە الماتىلىقتار مەن قالا قوناقتارىن قاراپايىم ەرەجەلەردى ساقتاۋعا – قوقىستى وزىمەن بىرگە الىپ كەتۋگە جانە تابيعي ينفراقۇرىلىمعا ۇقىپتى قاراۋعا شاقىرامىز"، — دەپ اتاپ ءوتتى Jetour Qazaqstan وكىلى ايگۇل جامينوۆا.

كومپانيانىڭ ايتۋىنشا، Jetour Ecocrew – ءبىر رەتتىك باستاما عانا ەمەس، اۆتوسۇيەر قاۋىمدى جانە تابيعاتقا بەيجاي قارامايتىن ادامداردى بىرىكتىرەتىن تۇراقتى ەكولوگيالىق قوزعالىس.