Eńbek jáne halyqty áleýmettik qorǵaý ministrligi 1 jeltoqsanǵa deiin eldiń barlyq óńirinde áleýmettik tólemderdi birizdendirý máselesin qarastyrady. Mundai tapsyrmany premer-ministr Oljas Bektenov berdi, dep habarlaidy Dalanews.kz.
"Múddeli memlekettik organdarmen jáne ákimdiktermen birlesip, Eńbek ministrligine 1 jeltoqsanǵa deiin barlyq óńirler úshin áleýmettik qoldaýdyń biryńǵai standartyn ázirleý qajet. Kúmándi ári tiimsiz áleýmettik jeńildikter men tólemderdi joiýymyz kerek. Biz áleýmettik ádilettilikti saqtaimyz jáne masyldyq psihologiiasyna qarsy sharalar qabyldaimyz", – dedi ol Úkimet otyrysynda.
Bektenovtyń aitýynsha, Úkimettiń mindeti – barshaǵa teń múmkindik jasaý, al azamattar jumys isteýge, ózin jáne otbasyn qamtamasyz etýge umtylýy tiis.
Qazaqstan halqyna Joldaýynda Memleket basshysy ýiazvim toptar úshin áleýmettik tólemderdiń mólsherin barlyq óńirlerde birizdendirýdi tapsyrǵan bolatyn. Onyń sózinshe, memlekettiń «kóregensiz ári ymyrashyl áleýmettik saiasaty» júzden astam túrli jeńildiktiń paida bolýyna alyp kelgen.
