ەڭبەك جانە حالىقتى الەۋمەتتىك قورعاۋ مينيسترلىگى 1 جەلتوقسانعا دەيىن ەلدىڭ بارلىق وڭىرىندە الەۋمەتتىك تولەمدەردى بىرىزدەندىرۋ ماسەلەسىن قاراستىرادى. مۇنداي تاپسىرمانى پرەمەر-مينيستر ولجاس بەكتەنوۆ بەردى، دەپ حابارلايدى Dalanews.kz.
"مۇددەلى مەملەكەتتىك ورگاندارمەن جانە اكىمدىكتەرمەن بىرلەسىپ، ەڭبەك مينيسترلىگىنە 1 جەلتوقسانعا دەيىن بارلىق وڭىرلەر ءۇشىن الەۋمەتتىك قولداۋدىڭ ءبىرىڭعاي ستاندارتىن ازىرلەۋ قاجەت. كۇماندى ءارى ءتيىمسىز الەۋمەتتىك جەڭىلدىكتەر مەن تولەمدەردى جويۋىمىز كەرەك. ءبىز الەۋمەتتىك ادىلەتتىلىكتى ساقتايمىز جانە ماسىلدىق پسيحولوگياسىنا قارسى شارالار قابىلدايمىز"، – دەدى ول ۇكىمەت وتىرىسىندا.
بەكتەنوۆتىڭ ايتۋىنشا، ۇكىمەتتىڭ مىندەتى – بارشاعا تەڭ مۇمكىندىك جاساۋ، ال ازاماتتار جۇمىس ىستەۋگە، ءوزىن جانە وتباسىن قامتاماسىز ەتۋگە ۇمتىلۋى ءتيىس.
قازاقستان حالقىنا جولداۋىندا مەملەكەت باسشىسى ۋيازۆيم توپتار ءۇشىن الەۋمەتتىك تولەمدەردىڭ مولشەرىن بارلىق وڭىرلەردە بىرىزدەندىرۋدى تاپسىرعان بولاتىن. ونىڭ سوزىنشە، مەملەكەتتىڭ «كورەگەنسىز ءارى ىمىراشىل الەۋمەتتىك ساياساتى» جۇزدەن استام ءتۇرلى جەڭىلدىكتىڭ پايدا بولۋىنا الىپ كەلگەن.
