Sarqan aýdanynyń ákimdigi qos jańalyqty qýana jetkizdi. Aýdannyń málimetinshe, baspanaly bolǵandardyń arasynda jetim balalar, I, II toptarǵa múgedek jandar, múmkindigi shekteýli balalardy tárbieleýshi, kóp balaly jáne tolyq emes otbasylar, zeinetker, Aýǵan soǵysynyń ardageri, memlekettik jáne biýdjettik qyzmetkerler, turǵyn úii apatty dep tanylǵan otbasy da bar. Bul 5 qabatty turǵyn úidiń qurylysyna jalpy somasy 505,630 mln teńge qarajat jumsalǵan.
– Men osy qýanyshty kóp kúttim. 10 jylǵa jýyq jaldamaly úide turyp keldim, onda balalaryma eshqandai qolaily jaǵdai bolmady. Endi otbasymyzben kieli shańyraǵymyzdyń tabaldyryǵyn jańa úmitmen, aq nietpen attaǵaly otyrmyz, – dedi jańa páter iesi kóp balaly ana Perizat Qudiiarova.
Turǵyn úiler zaman talabyna sai barlyq kommýnikatsiialyq jelilerge qosylǵan. Sondai-aq, balalar oinaityn alańqaimen qosa avtokólik turaǵy da qarastyrylǵan.
Taǵy bir aqjoltai jańalyq - Sarqan qalasynda balalardy ońaltýǵa arnalǵan ortalyq esigin aiqara ashty. Onda jalpy somasy 37,4 mln teńgege qural-jabdyqtar satyp alynǵan, sonyń 27,7 mln teńgesi ońaltý quraldaryna jumsaldy.
Munda MotoMed trejanery, Vertikalizator, ERGO qurylǵysy, Retsikýliator, Delfa-1 logoped trenajery jáne basqa da qurylǵylar bar. Zamanaýi quraldarmen jabdyqtalǵan 22 kabinette 55 joǵary bilikti maman qyzmet kórsetedi. Ortalyqqa balalardy tasymaldaýǵa arnalǵan arnai jańa avtokólik te bólingen. Aýlasy abattandyrylǵan, balalarǵa arnalǵan oiyn alańdary bar.
Nysannyń ashylý saltanatyna arnaiy barǵan oblystyq jumyspen qamtýdy úilestirý jáne áleýmettik baǵdarlamalar basqarmasynyń basshysy Marjan Murat:
– Bundai ortalyqtardy meilinshe kóptep ashqan jón. Erekshe kútimdi talap etetin balalardy úide ustamaý kerek. Balany arnaiy bilikti mamadarǵa aparý arqyly qandai da bir jetistikterge jetýge bolady. Sarqan aýdanynda ashylyp otyrǵan ortalyqtyń ereksheligi, bul jerde balalardy tańnan keshke deiin qaldyrýǵa bolady. Sondai-aq alys aýyldardan qatynaityn ata-analar osy ortalyqta 6 aiǵa deiin qalyp, emdeý barysynda balalarynyń janynda bola alady, – dedi.
Bul nysanda áleýmettik-mádeni, áleýmettik-ekonomikalyq, áleýmettik-psihologiialyq, áleýmettik-meditsinalyq, áleýmettik-quqyqtyq baǵyttar boiynsha qyzmet kórsetiledi.
– Ońaltý ortalyǵynyń qalamyzda ashylǵanyna rizamyn. Osynda 11 jastaǵy nemeremdi ákeldim. Jyl saiyn elordaǵa ońaltýǵa baratynbyz. Endi eshqaida sabylmai osy ortalyqtyń mamandaryna júginemin, balamnyń densaýlyǵynda oń ózgerister bolady dep úmittenemin, – deidi sarqandyq Sáýlet Nurmuhamedqyzy.
Aita keteiik, ortalyq ornalasqan ǵimaratty kúrdeli jóndeýge 27 mln teńge jumsalǵan. Jalpy mundai ortalyqtardyń sany Jetisý jerinde 11 bolsa, sonyń 4-eýi memlekettik mekeme.
