QR Bilim jáne ǵylym ministrliginiń usynysymen QazUPÝ-dyń Baiqaý keńesiniń sheshimine sáikes Memleket basshysynyń «Qazaqstannyń úshinshi jańǵyrýy: jahandyq básekege qabilettilik» Joldaýynda kórsetilgen memlekettik qyzmet kórsetý sapasyn jaqsartý jáne bilim berý júiesin ózgertý týraly tapsyrmalardy oryndaý aiasynda Abai atyndaǵy QazUPÝ-dyń «Shapaǵat» stýdentterge sandyq qyzmet kórsetý ortalyǵy quryldy.
«Shapaǵat» stýdentterge sandyq qyzmet kórsetý ortalyǵyn saltanatty túrde Ýniversitet rektory Takir Balyqbaev pen Almaty qalasy Medeý aýdanynyń ákiminiń orynbasary Ǵani Mailybaev ashty.
Takir Balyqbaev QR Tuńǵysh Prezidenti kúni qarsańynda ashylǵan sandyq qyzmet kórsetý ortalyǵynyń ashylý saltanatymen quttyqtai otyryp, ortalyqtyń qyzmet kórsetý júiesimen tanystyryp ótti. Sóz kezeginde Ǵani Mailybaev: «Búgingi «Shapaǵat» ortalyǵynyń ashylýy kieli qara shańyryǵymyzdaǵy aitýly oqiǵa. Bul Takir Ospanulynyń Ýniversitet qyzmetin jańalandyrý baǵytyna qosqan úlesi. Stýdentterge sandyq qyzmet kórsetý ortalyǵy qoǵammen bailanysty jetildirý, iaǵni stýdentterdiń ýaqytyn, qarjysyn únemdeý maqsatynda jasalynyp jatqan jańa júie», – dep atap ótti.
«Shapaǵat» ortalyǵy kópfýnktsionaldyq «bir tereze» qaǵidasy boiynsha jumys atqaratyn ortalyq. Munda stýdentter, magistranttar men doktoranttar stýdenttik, halyqaralyq akademiialyq utqyrlyq sektory, tirkeýshi keńsesi, pasport ústeli, eńbekpen qamtý jáne Astana banki men qarjy jáne t.b. qyzmet bólimderi usynylyp, arnaiy mamandardyń qoldaýyna ie bolatyn bolady.
Atalmysh ortalyqta ornalasqan «Astana Bank» AQ ókilderi stýdentterge «mobildik usynys» boiynsha qyzmet kórsetedi. Bank ókili stýdentter oqý aqysyn mobildik telefon arqyly tóleitin múndikterge ie boldy. Shákirtaqylaryn «Gold» kartasymen jáne jeke tulǵalarǵa arnalǵan «mobildik usynys» arqyly qyzmetter kórsetiledi. Qarjy tapshylyǵynan oqý aqysyn tólei almaǵan stýdenttiń ata-anasyna arnaiy jeńildikpen nesie beriledi. Bank tarapynan stýdentterge tsifrlyq qyzmet kórsetý ortalyǵyndaǵy «Astana bank» AQ ókilderi júzege asyrady.
«Shapaǵat» ortalyǵynda stýdentter, magistranttar, doktoranttar jáne ata-analar qajetti qujattardy, aýysý, qabyldaý syndy anyqtamalar, bilim berý baǵdarlamalary boiynsha keńester, qarjylyq jáne basqa da suraqtar boiynsha aqparattar alatyn bolady.
Rimma ABDYQADYRQYZY, Qoǵammen bailanys jónindegi bólim bastyǵynyń orynbasary
