Qurmetti Almaty qalasynyń turǵyndary!

2017 jyldyń 27 qarashasy men 3 jeltoqsan aralyǵynda Almaty qalalyq prokýratýrasy múgedek jandardy qoldaý maqsatynda «Óz quqyqtaryńyzdy bilesiz be?» atty jobasyn bastaıdy.

Joba aıasynda Almaty qalasynyń prokýratýrasy Almaty turǵyndary arasynda saýalnama júrgizedi.

Saýalnamanyń maqsaty:

Múmkindikteri shekteýli adam quqyqtaryn tolyq jáne teń dárejede saqtaý.

Barlyq múddeli tulǵalar áleýmettik saýalnamaǵa qatysa alady.

Saýalnama nátıjeleri boıynsha Almaty qalasy prokýrorynyń kómekshisi Janbekova Gúlnára Hamıtqyzy jáne ýákiletti organdardyń ókilderi, sondaı-aq úkimettik emes uıymdardan turatyn jumys toby 2017 jyldyń 4 jeltoqsanynda taldaý jasap, Almaty qalasynyń prokýratýrasynyń resmı saıtynda (almaty.prokuror.kz) halyqqa tolyqqandy aqparat beredi.

Suraqtar:

Siz habardarsyz ba:

1. Respýblıkalyq jáne jergilikti búdjetter qarajaty esebinen júzege asyrylatyn azamattarǵa tegin medısınalyq kómektiń kepildendirilgen kólemi týraly;

2. Aýrýlardy erte anyqtaýǵa baǵyttalǵan profılaktıkalyq medısınalyq tekserýlerdiń tártibi men jıiligi týraly (jańa týǵan jáne kishkentaı balalar, mektep jasyna deıingi balalar, 18 jasqa deıingi orta jáne joǵary oqý oryndarynyń stýdentteri, ár túrli jastaǵy eresekter) jáne aýrýlardy erte kezeńderde anyqtaýǵa, aýrýdyń damýyna jol bermeýge, aýrýlardyń paıda bolýyna yqpal etetin táýekel faktorlaryn, halyq densaýlyǵyn qalyptastyrýǵa jáne nyǵaıtýǵa baǵyttalǵan baǵdarlama týraly;

3. Halyqqa kórsetiletin jergilikti memlekettik áleýmettik kómek kórsetý tártibi týraly;

4. Múgedek balalarǵa arnalǵan áleýmettik jáne medısınalyq-pedagogıkalyq túzetý kómegi týraly;

5. Jeke ońaltý baǵdarlamasy týraly ne bilesiz, ońaltýdyń qandaı túrleri barynan;

6. Almatyda qaı memlekettik organ múgedektikti belgileıdi jáne qaıda ótinish beredi? Járdemaqy taǵaıyndaý tártibi men merzimderi týraly;

7. Memlekettik organdardyń, jergilikti ózin-ózi basqarý organdarynyń jáne laýazymdy tulǵalardyń sheshimderine, is-áreketterine (áreketsizdigine) shaǵymdaný tártibi týraly.

Komandalyq jumysyńyzǵa jáne belsendi azamattyq ustanymyńyzǵa raqmet.  

Qurmetpen, Almaty qalasy prokýratýrasy