29 naýryzdan bastap «E-otinish» portaly arqyly ashtyq jariialaý túrindegi narazylyq aktsiiasyna barlyǵy 13 ótinish tústi.
Qazirgi ýaqytta ótinishter ýákiletti memlekettik organdarda qaralýda. Aita keteiik, tamaqtanýdan bas tartý arqyly aktsiia ótkizý qoldanystaǵy zańnamamen rettelmeidi.
Óz kezeginde Qaraqiia aýdanynyń ákimdigi oblys ákimdiginiń basqarmalary, aýdan prokýratýrasy jáne basqa da múddeli organdarmen birlesip, narazylyq bildirgen jumyssyzdarǵa túsindirý jumystaryn jalǵastyryp jatyr.
Eń aldymen, Qaraqiia aýdanynyń ákimdigi barlyq jumyssyzdyń birden munai salasynda jumys isteýi múmkin emestigine, jumyssyzdar ákimdik usynǵan jumys oryndarynan bas tartatynyna nazar aýdartqysy keledi.
Sondai-aq «Mańǵystaýmunaigaz» AQ-nan bos jumys oryndaryn bólýde jumyssyzdar tarapy «70-te 30», iaǵni Jetibai kentiniń turǵyndary 70 paiyzyna, al qalǵan 30 paiyzy Qaraqiia aýdanynyń basqa aýyldaryndaǵy jáne oblystyń basqa aýdandaryndaǵy jumyssyzdarǵa berý talaby qoiylǵan. Qoiylǵan talapty basqa aýyl, aýdan turǵyndaryna negizsiz dep sanaimyz.
Bul rette Qaraqiia aýdanynyń Quryq aýyly men Mańǵystaý oblysynyń jumyssyz turǵyndary bos jumys oryndaryn bólýde ádilettilikti talap etýde.
Qazirgi ýaqytta narazylyq bildirýshiler memlekettik organdardyń túsindirip jatqan aiqyn jáne obektivti faktilerin qabyldaýdan bas tartyp otyr. Jinalǵandar "munai salasynda jumys isteimin" degenderdiń barlyǵyn birden jumysqa ornalastyrý múmkin emes, basqa salalarǵa jumysqa ornalasý múmkindikterin paidalaný qajet degen shyndyqty qabyldaýy qajet.
Barlyq másele konstrýktivti dialog arqyly, qoldanystaǵy zańnama aiasynda sheshilýi tiis.
Sondai-aq Qaraqiia aýdanynyń ákimdigi narazylyq bildirýshilerge zańsyz áreketter jasaǵan jaǵdaida zańda belgilengen jaýapkershilikti eskertedi.
Qaraqiia aýdany ákimdiginiń baspasóz qyzmeti
