Almaty oblysynda qyzmetinen qýylǵan Bilim basqarmasynyń burynǵy basshysy endi jańa qyzmetke taǵaiyndalýy múmkin. Bul týraly DALA INSIDE arnasy jazdy.
"Taraptar Baǵanashyldaǵy balalar úiindegi aiqai-shý basylǵanyn kútken edi. Endi sol sát týyndap tur. Almaty oblysy Bilim basqarmasynyń burynǵy basshysy Saltanat Bespaevany jańa qyzmetke taǵaiyndaýǵa kedergi joq siiaqty", - deidi DALA INSIDE derekkózi.
Derekkózdiń málimetinshe, Saltanat Daýysbekqyzy basqarma basshysy qyzmetinen bosaǵanymen, ákimdikten ketpegen. Onyń ornyna buǵan deiin Eńbekshiqazaq, Ile aýdandary men Qonaev qalalyq bilim bólimderin basqarǵan Arailym Tóleýbekova taǵaiyndalǵan edi. Sóitip Saltanat Bespaevanyń qaramaǵynda eńbek etken kadr basqarma basshylyǵyna keldi.
Al tamyzdyń basynda qyzmetten bosatylǵan burynǵy basqarma basshysy Ile aýdandyq bilim bólimine jetekshi bolady degen aqparat tarady.
