Polıseıler júrgizýshilerdiń masańdyǵyn tekserýdiń jańa erejelerin túsindirdi, dep habarlaıdy Dalanews.kz.
16 qyrkúıekten bastap júrgizýshilerdiń masańdyǵyn tekserýdiń erejeleri jańartyldy.
Bul erejeler Ákimshilik quqyqbuzýshylyq kodeksiniń 796-baby boıynsha júrgiziletin ákimshilik óndiris aıasynda ǵana qoldanylady. Bul normada basqarý quqyǵynan ýaqytsha aıyrý jáne mas kúıdegi júrgizýshilerdi tekserý kózdeledi.
"Jańartylǵan erejeler tek kólik júrgizetinderge qatysty. Jaıaý júrginshiler men basqalarǵa qatysty jańa talaptar engizilgen joq. Sondaı-aq, rásimniń ózi burynǵy qalpynda qalyp otyr, túpkilikti ózgeris joq. Bir ǵana jańalyq - bekitilgen nysannyń túri. Buryn erejeler Úkimet qaýlysymen bekitilgen bolsa, endi olar İİM buıryǵy arqyly bekitiledi", - dedi İİM ókili.
Sonymen qatar, júrgizýshi arnaıy quraldarmen, máselen alkotestermen masańdyq dárejesin tekserýden bas tartýǵa nemese medısınalyq uıymda tekseristi jalǵastyrýǵa quqyly.
"Masańdyqqa tekserýden jaltarý nemese bas tartý QR ÁQBtK-niń 613-baby 4-bóliginde kózdelgen ákimshilik is júrgizýdi qozǵaý úshin negiz bolady", - dedi İİM ókili.
