AQSh-tyń Michigan shtatynda ótken aralyq sailaýda demokrat Abdýl ál-Saied jeńiske jetip, el tarihynda alǵash ret Senatqa musylman ókili sailandy. Ol respýblikashyl Maik Rodjersti basyp ozdy. Abdýl ál-Saied 2027 jylǵy 3 qańtarda ant berip, Kongrestegi qyzmetine kirisedi, dep habarlaidy dalanews.kz.
Abdýl ál-Saied jeńisine qatysty pikirin X áleýmettik jelisindegi paraqshasynda jariialady. Ol Michigan shtatynyń atynan AQSh Senatynda ókildik etý úlken qurmet ári mártebe ekenin atap ótti.
«Michigan, biz múmkin emes degen nárseni júzege asyrdyq. Biz jeńiske jettik. Birge! Endi naǵyz jumys bastalady», – dep jazdy ol.
AQSh-taǵy aralyq sailaý nátijesinde Mysyrda dúniege kelgen musylman Abdýl ál-Saied respýblikashyl Maik Rodjersti jeńip, Senatqa sailandy. Osylaisha, ol AQSh tarihynda joǵarǵy zań shyǵarýshy organnyń osy palatasyna sailanǵan alǵashqy musylman atandy.
Associated Press agenttiginiń aldyn ala málimetinshe, Maik Rodjers 46 paiyz daýys jinasa, Abdýl ál-Saiedti sailaýshylardyń 52 paiyzy qoldaǵan.
Sailaý qorytyndysy resmi bekitilgennen keiin Abdýl ál-Saied 2027 jylǵy 3 qańtarda ant qabyldap, AQSh Kongresindegi jumysyna kirisedi.
