اقش-تىڭ ميچيگان شتاتىندا ٶتكەن ارالىق سايلاۋدا دەموكرات ابدۋل ەل-سايەد جەڭٸسكە جەتٸپ, ەل تاريحىندا العاش رەت سەناتقا مۇسىلمان ٶكٸلٸ سايلاندى. ول رەسپۋبليكاشىل مايك رودجەرستٸ باسىپ وزدى. ابدۋل ەل-سايەد 2027 جىلعى 3 قاڭتاردا انت بەرٸپ, كونگرەستەگٸ قىزمەتٸنە كٸرٸسەدٸ, دەپ حابارلايدى dalanews.kz.
ابدۋل ەل-سايەد جەڭٸسٸنە قاتىستى پٸكٸرٸن X ەلەۋمەتتٸك جەلٸسٸندەگٸ پاراقشاسىندا جارييالادى. ول ميچيگان شتاتىنىڭ اتىنان اقش سەناتىندا ٶكٸلدٸك ەتۋ ٷلكەن قۇرمەت ەرٸ مەرتەبە ەكەنٸن اتاپ ٶتتٸ.
«ميچيگان, بٸز مٷمكٸن ەمەس دەگەن نەرسەنٸ جٷزەگە اسىردىق. بٸز جەڭٸسكە جەتتٸك. بٸرگە! ەندٸ ناعىز جۇمىس باستالادى», – دەپ جازدى ول.
اقش-تاعى ارالىق سايلاۋ نەتيجەسٸندە مىسىردا دٷنيەگە كەلگەن مۇسىلمان ابدۋل ەل-سايەد رەسپۋبليكاشىل مايك رودجەرستٸ جەڭٸپ, سەناتقا سايلاندى. وسىلايشا, ول اقش تاريحىندا جوعارعى زاڭ شىعارۋشى ورگاننىڭ وسى پالاتاسىنا سايلانعان العاشقى مۇسىلمان اتاندى.
Associated Press اگەنتتٸگٸنٸڭ الدىن الا مەلٸمەتٸنشە, مايك رودجەرس 46 پايىز داۋىس جيناسا, ابدۋل ەل-سايەدتٸ سايلاۋشىلاردىڭ 52 پايىزى قولداعان.
سايلاۋ قورىتىندىسى رەسمي بەكٸتٸلگەننەن كەيٸن ابدۋل ەل-سايەد 2027 جىلعى 3 قاڭتاردا انت قابىلداپ, اقش كونگرەسٸندەگٸ جۇمىسىنا كٸرٸسەدٸ.
