Qazaqstan 2027 jyly munai óndirý kólemin shamamen 99 mln tonnaǵa jetkizýdi josparlap otyr. Bul týraly energetika ministri Erlan Aqkenjenov Úkimettegi baspasóz máslihatynda málimdedi, dep habarlaidy dalanews.kz.
Ministrdiń aitýynsha, biyl munai óndirý jospary ázirge oryndalyp jatyr. 2026 jylǵa arnalǵan kórsetkish 96 mln tonna bolyp bekitilgen.
«Kelesi jylǵa arnalǵan kórsetkishti qazir aiqyndap jatyrmyz. Meniń oiymsha, shamamen 99 mln tonna óndirý kózdeledi», – dedi Erlan Aqkenjenov.
Jýrnalisterdiń kelesi jyly munai óndirý kólemi arta ma degen suraǵyna ministr oń jaýap berdi.
Aita keteiik, Qazaqstan 2026 jyly bastapqyda 100 mln tonna munai óndirýdi josparlaǵan. Alaida Kaspii qubyr konsortsiýmynyń (KQK) infraqurylymyna jasalǵan shabýyldardan keiin jospar kezeń-kezeńimen qaita qaralyp, 96 mln tonnaǵa deiin tómendetildi.
