Memleket basshysy Network School-diń negizin qalaýshy Baladji Shrinivasandy qabyldady, dep habarlaidy dalanews.kz.
Qasym-Jomart Toqaev Network School jobasynyń Qazaqstandaǵy tehnologiialyq ekojúieniń qalyptasýyna qosqan úlesin joǵary baǵalap, yntymaqtastyqty nyǵaitýǵa daiyn ekenin jetkizdi.
Prezident elimiz tehnologiiany tereń meńgergen kóshbasshylardyń jańa býynyn tárbieleý úshin bilim, ǵylym jáne tsifrlyq quzyretke belsendi investitsiia salyp jatqanyna nazar aýdardy.
Osy oraida, Memleket basshysy jobanyń negizin qalaýshyǵa jýyrdaǵy Joldaýynda jariialanǵan "Halyqtyq qurylys" bastamasy keleshek urpaqqa mańyzdy ári shyn máninde salmaqty mura qaldyrýǵa múmkindik beretinin aitty.
Baǵdarlama aiasynda jappai áleýmettik infraqurylym nysandaryn, sonyń ishinde mektepter, ýniversitetter men meditsina mekemelerin salý josparlanyp otyr.
Qasym-Jomart Toqaev Astanada Network School Kazakhstan jelisiniń iske qosylýyn jáne jobanyń Qazaqstan ýniversitetterimen, startaptarymen, sondai-aq tehnologiialyq kásiporyndarymen seriktestikti keńeitý nietin quptady.
Sonymen qatar Prezident Astana AI Film festivaline investitsiialyq turǵydan qoldaý kórsetkeni úshin Baladji Shrinivasanǵa rizashylyǵyn bildirdi.
Network School-diń negizin qalaýshy Qazaqstanda ozyq tehnologiialyq sheshimder men ekonomikanyń dástúrli salalary úilesim taýyp otyrǵanyn airyqsha atap ótti.
Baladji Shrinivasan Network School Kazakhstan jobasynyń basym baǵyttaryn tanystyrdy. Onda tsifrlyq sheshimderdi ilgeriletý, adam kapitalyn damytý jáne innovatsiialyq ázirlemelerdi engizýge qolaily jaǵdai jasaý kózdelgen.
Memleket basshysy elimizdegi jasandy intellekt pen innovatsiiany damytýǵa qosqan úlesi úshin Baladji Shrinivasandy II dárejeli "Dostyq" ordenimen marapattady.
