Qazaqstan Balqash pen Moiynqumda salynatyn eki atom elektr stantsiiasynyń qurylysyn 2035 jylǵa deiin aiaqtaýdy josparlap otyr. Bul týraly energetika ministri Erlan Aqkenjenov Úkimettegi brifingte málimdedi, dep habarlaidy dalanews.kz.
Ministrdiń aitýynsha, Balqash mańyndaǵy alǵashqy AES jobasyn reseilik «Rosatom» konsortsiýmy júzege asyrady. Al ekinshi atom elektr stantsiiasyn salý máselesi Qytai ulttyq iadrolyq korporatsiiasymen (CNNC) talqylanyp jatyr.
Qazir ekinshi joba boiynsha kelisimniń negizgi parametrleri, sonyń ishinde qurylys merzimderi pysyqtalýda.
«Biz bul jobalar 2035 jylǵa deiin aiaqtalýy kerek dep senemiz», – dedi Erlan Aqkenjenov.
Eske salaiyq, buǵan deiin Memleket basshysy Qasym-Jomart Toqaev alǵashqy atom elektr stantsiiasynyń qurylysyn 2027 jyly Balqash mańynda bastaýdy tapsyrǵan bolatyn. Al ekinshi AES boiynsha úkimetaralyq kelisimge 2027 jyldyń sońyna deiin qol qoiý josparlanǵan.
