قازاقستان بالقاش پەن مويىنقۇمدا سالىناتىن ەكٸ اتوم ەلەكتر ستانتسيياسىنىڭ قۇرىلىسىن 2035 جىلعا دەيٸن اياقتاۋدى جوسپارلاپ وتىر. بۇل تۋرالى ەنەرگەتيكا مينيسترٸ ەرلان اقكەنجەنوۆ ٷكٸمەتتەگٸ بريفينگتە مەلٸمدەدٸ, دەپ حابارلايدى dalanews.kz.
مينيستردٸڭ ايتۋىنشا, بالقاش ماڭىنداعى العاشقى اەس جوباسىن رەسەيلٸك «روساتوم» كونسورتسيۋمى جٷزەگە اسىرادى. ال ەكٸنشٸ اتوم ەلەكتر ستانتسيياسىن سالۋ مەسەلەسٸ قىتاي ۇلتتىق يادرولىق كورپوراتسيياسىمەن (CNNC) تالقىلانىپ جاتىر.
قازٸر ەكٸنشٸ جوبا بويىنشا كەلٸسٸمنٸڭ نەگٸزگٸ پارامەترلەرٸ, سونىڭ ٸشٸندە قۇرىلىس مەرزٸمدەرٸ پىسىقتالۋدا.
«بٸز بۇل جوبالار 2035 جىلعا دەيٸن اياقتالۋى كەرەك دەپ سەنەمٸز», – دەدٸ ەرلان اقكەنجەنوۆ.
ەسكە سالايىق, بۇعان دەيٸن مەملەكەت باسشىسى قاسىم-جومارت توقاەۆ العاشقى اتوم ەلەكتر ستانتسيياسىنىڭ قۇرىلىسىن 2027 جىلى بالقاش ماڭىندا باستاۋدى تاپسىرعان بولاتىن. ال ەكٸنشٸ اەس بويىنشا ٷكٸمەتارالىق كەلٸسٸمگە 2027 جىلدىڭ سوڭىنا دەيٸن قول قويۋ جوسپارلانعان.
