Energetika ministri Erlan Aqkenjenov Almatydaǵy jylý elektr ortalyqtaryn jańǵyrtý jumystarynyń barysy týraly aitty, dep habarlaidy dalanews.kz.
Onyń málimetinshe, JEO-2 nysanyn 2026 jylǵy 25 jeltoqsanda tolyq iske qosý josparlanǵan. Al JEO-3 qurylysynyń qazirgi qarqyny kóńil kónshitpeidi.
NeHabar deregine súiensek, mnistr "Samuryq-Energonyń" burynǵy basshysy Qairat Maqsutovtyń qyzmetten bosatylýyna qatysty da pikir bildirgen. Aitýynsha, kompaniianyń eks-basshysyna qurylys merzimderiniń buzylyp, josparlanǵan jumys kóleminiń oryndalmai jatqany birneshe ret eskertilgen.
Aqkenjenov bul jaǵdaiǵa Energetika ministrligi de jaýapty ekenin moiyndady. Degenmen "Samuryq-Energo" qurylys barysyn táýelsiz baqylaýdy qamtamasyz etýge tiis bolǵanyn atap ótti.
Endi kompaniianyń jańa basshysy Ansar Aidarovqa jobalardyń belgilengen ýaqytta aiaqtalýyn qadaǵalaý mindeti júkteledi. Ministrdiń sózinshe, JEO-3 2027 jyldyń sońyna deiin daiyn bolýy kerek.
Sonymen qatar Erlan Aqkenjenov Almatydaǵy jylý elektr ortalyqtary gazǵa kóshirilgennen keiin kómirdiń qalai paidalanylatynyn túsindirdi. JEO-2-de kómir tek rezervtik otyn retinde saqtalady. Al JEO-3-tiń kómir jaǵatyn bóligi tolyǵymen buzylady dep josparlanyp otyr.
