ەنەرگەتيكا مينيسترٸ ەرلان اقكەنجەنوۆ الماتىداعى جىلۋ ەلەكتر ورتالىقتارىن جاڭعىرتۋ جۇمىستارىنىڭ بارىسى تۋرالى ايتتى, دەپ حابارلايدى dalanews.kz.
ونىڭ مەلٸمەتٸنشە, جەو-2 نىسانىن 2026 جىلعى 25 جەلتوقساندا تولىق ٸسكە قوسۋ جوسپارلانعان. ال جەو-3 قۇرىلىسىنىڭ قازٸرگٸ قارقىنى كٶڭٸل كٶنشٸتپەيدٸ.
نەحابار دەرەگٸنە سٷيەنسەك, منيستر "سامۇرىق-ەنەرگونىڭ" بۇرىنعى باسشىسى قايرات ماقسۇتوۆتىڭ قىزمەتتەن بوساتىلۋىنا قاتىستى دا پٸكٸر بٸلدٸرگەن. ايتۋىنشا, كومپانييانىڭ ەكس-باسشىسىنا قۇرىلىس مەرزٸمدەرٸنٸڭ بۇزىلىپ, جوسپارلانعان جۇمىس كٶلەمٸنٸڭ ورىندالماي جاتقانى بٸرنەشە رەت ەسكەرتٸلگەن.
اقكەنجەنوۆ بۇل جاعدايعا ەنەرگەتيكا مينيسترلٸگٸ دە جاۋاپتى ەكەنٸن مويىندادى. دەگەنمەن "سامۇرىق-ەنەرگو" قۇرىلىس بارىسىن تەۋەلسٸز باقىلاۋدى قامتاماسىز ەتۋگە تيٸس بولعانىن اتاپ ٶتتٸ.
ەندٸ كومپانييانىڭ جاڭا باسشىسى انسار ايداروۆقا جوبالاردىڭ بەلگٸلەنگەن ۋاقىتتا اياقتالۋىن قاداعالاۋ مٸندەتٸ جٷكتەلەدٸ. مينيستردٸڭ سٶزٸنشە, جەو-3 2027 جىلدىڭ سوڭىنا دەيٸن دايىن بولۋى كەرەك.
سونىمەن قاتار ەرلان اقكەنجەنوۆ الماتىداعى جىلۋ ەلەكتر ورتالىقتارى گازعا كٶشٸرٸلگەننەن كەيٸن كٶمٸردٸڭ قالاي پايدالانىلاتىنىن تٷسٸندٸردٸ. جەو-2-دە كٶمٸر تەك رەزەرۆتٸك وتىن رەتٸندە ساقتالادى. ال جەو-3-تٸڭ كٶمٸر جاعاتىن بٶلٸگٸ تولىعىمەن بۇزىلادى دەپ جوسپارلانىپ وتىر.
