پوليسەيلەر جۇرگىزۋشىلەردىڭ ماساڭدىعىن تەكسەرۋدىڭ جاڭا ەرەجەلەرىن ءتۇسىندىردى، دەپ حابارلايدى Dalanews.kz.
16 قىركۇيەكتەن باستاپ جۇرگىزۋشىلەردىڭ ماساڭدىعىن تەكسەرۋدىڭ ەرەجەلەرى جاڭارتىلدى.
بۇل ەرەجەلەر اكىمشىلىك قۇقىقبۇزۋشىلىق كودەكسىنىڭ 796-بابى بويىنشا جۇرگىزىلەتىن اكىمشىلىك ءوندىرىس اياسىندا عانا قولدانىلادى. بۇل نورمادا باسقارۋ قۇقىعىنان ۋاقىتشا ايىرۋ جانە ماس كۇيدەگى جۇرگىزۋشىلەردى تەكسەرۋ كوزدەلەدى.
"جاڭارتىلعان ەرەجەلەر تەك كولىك جۇرگىزەتىندەرگە قاتىستى. جاياۋ جۇرگىنشىلەر مەن باسقالارعا قاتىستى جاڭا تالاپتار ەنگىزىلگەن جوق. سونداي-اق، ءراسىمنىڭ ءوزى بۇرىنعى قالپىندا قالىپ وتىر، تۇپكىلىكتى وزگەرىس جوق. ءبىر عانا جاڭالىق - بەكىتىلگەن نىساننىڭ ءتۇرى. بۇرىن ەرەجەلەر ۇكىمەت قاۋلىسىمەن بەكىتىلگەن بولسا، ەندى ولار ءىىم بۇيرىعى ارقىلى بەكىتىلەدى"، - دەدى ءىىم وكىلى.
سونىمەن قاتار، جۇرگىزۋشى ارنايى قۇرالدارمەن، ماسەلەن الكوتەستەرمەن ماساڭدىق دارەجەسىن تەكسەرۋدەن باس تارتۋعا نەمەسە مەديسينالىق ۇيىمدا تەكسەرىستى جالعاستىرۋعا قۇقىلى.
"ماساڭدىققا تەكسەرۋدەن جالتارۋ نەمەسە باس تارتۋ ق ر اقبتك-نىڭ 613-بابى 4-بولىگىندە كوزدەلگەن اكىمشىلىك ءىس جۇرگىزۋدى قوزعاۋ ءۇشىن نەگىز بولادى"، - دەدى ءىىم وكىلى.
