Qazaqstanda Jasandy intellekttiń damýyn eskere otyryp, Ulttyq biryńǵai testileýdi (UBT) ótkizý protsesin qaita qaraý qajet. Bul týraly Májilis depýtaty Ashat Aimaǵambetov málimdedi, dep habarlaidy Dalanews.kz.
Májiliste jasandy intellekt máselelerine arnalǵan dóńgelek ústel barysynda depýtat ózgeristerdiń qajettiligin atap ótti.
"UBT qalai ózgerip jatyr? Suraqtar qalai ózgerýde? Burynǵydai nátijege qarap baǵalaý múmkin emes. ChatGPT bar. UBT qalai transformatsiialanady – ókinishke qarai, bul másele áli ashyq kúiinde qalyp otyr", – dedi májilismen.
Jańa usynystar
Aimaǵambetov joǵary oqý oryndarynda oqytylatyn mindetti pánder tizimin keńeitýdi usynyp, filosofiia men qoǵamdyq-saiasi pánderge kóbirek mán berý qajet ekenin aitty.
"Sol siiaqty Data Science. Derektermen jumys istei bilý kerek. Múmkin, bul da mindetti pánderdiń bir bóligi bolýy tiis. Statistikamen jumys – unasyn, unamasyn – bazalyq daǵdyǵa ainalyp barady", – dep tolyqtyrdy depýtat.
Qazirgi tańda depýtattyń usynysy talqylaý kezeńinde.
