Zańsyz mikrokredit berý boiynsha keń aýqymdy shema áshkerelendi, dep habarlaidy Dalanews.kz.
Ol elimizdiń ár óńirinde 200-ge jýyq filialy bar, komissiialyq dúkender retinde jasyrynǵan iri lombardtar jelisi arqyly júzege asyrylǵan.
Atap aitqanda, «Aktiv Lombard» jelisiniń iesi Sergei Koinov senimdi adamdaryna «Aktiv Market» brendimen tirkelgen birneshe kompaniia rásimdegen.
Olar taýarlar men turmystyq tehnikany qabyldaityn komissiialyq dúken retinde kórsetilgenimen, is júzinde litsenziiasyz lombardtyq qyzmet – múlikti kepilge qoiý arqyly qaryz berýmen ainalysqan.
Komissiialyq dúkender men lombardtar bir ǵimaratta ornalasyp, bir personaldy paidalanǵan.
Zańnamaǵa sáikes, qysqa merzimdi qaryzdar (45 kúnge deiin) boiynsha syiaqynyń eń joǵary mólsherlemesi táýligine 0,3%-dan aspaýǵa tiis.
Alaida Koinovtyń kompaniiasy 15 kúnge 16,2% syiaqymen qaryz bergen, bul zańda belgilengen shekten 4 ese artyq.
Osylaisha, júz myńdaǵan azamat, sonyń ishinde zeinetkerler men az qamtylǵan otbasylar qaryz tuzaǵyna túsken.
Sońǵy eki jylda zańsyz joǵary mólsherlememen kepildik qaryz berý arqyly 3,5 mlrd teńgeden astam qarajat zańsyz óndirilgen.
Túsken kiristerdi odan ári zańdastyrý úshin Koinov S.S. bailanysy bar kompaniialarmen baǵdarlamalyq qamtamasyz etýdi engizý jáne súiemeldeý boiynsha jalǵan kelisimsharttar rásimdegen. Onyń jalpy somasy – 1,9 mlrd teńge.
Keiin bul qarajat jeke depozittik shotyna dividend túrinde aýdarylǵan.
Qazirgi ýaqytta elimizdiń barlyq óńirlerinde 200-den astam tintý júrgizilip, zattai dáleldemeler alyndy.
Sotqa deiingi tergeý jalǵasýda. Ózge aqparat QPK-niń 201-babyna sáikes jariia etilmeidi.
Qaryz alýshylardyń nazaryna: Qarjy retteýshisiniń litsenziiasy bar «Aktiv Lombard» jelisiniń qyzmeti sotqa deiingi tergeý nysanyna jatpaidy.
Agenttik onyń birde-bir filialyn japqan joq, «Aktiv Marketke» kepilge qoiylǵan múlik te tárkilengen joq, ol «Aktiv Lombardtyń» ieliginde.
Sonymen qatar, QMA azamattardan zańsyz syiaqy alý faktileri boiynsha taǵy 14 isti tergep jatyr.
Kúdikti retinde 15 tulǵa tanyldy.
