2016 jyly Astana ákimdigi «Tulpar» at sporty keshenin aýktsion arqyly nebári 200 myń teńgege satyp jibergen. Keiin qala biligi jańa «Arǵymaq» at sporty keshenin biýdjetten 7 mlrd teńgege qaita satyp alýǵa sheshim qabyldaǵan. Bul týraly qalalyq máslihat depýtaty Vladislav Sergeev málimdedi, dep habarlaidy Dalanews.kz.
«2016 jyly «Tulpar» at sporty kesheni aýktsion arqyly óte kúlkili baǵaǵa – shamamen 200 myń teńgege satyldy. Budan keiin ótken shaqyrylymda bizge «Arǵymaq» atty jańa keshendi 7 mlrd teńgege satyp alý qajettigi máselesi kelip tústi. Depýtattardyń bir bóligi, sonyń ishinde ózim de, buǵan qarsy boldyq. Biraq kópshilik daýyspen satyp alý týraly sheshim qabyldanyp, ol oryndaldy», – dedi Sergeev.
Onyń aitýynsha, qazir bul keshendi jeke kompaniiaǵa senimgerlik basqarýǵa berý máselesi qarastyrylyp jatyr.
«Ókinishke qarai, biz biýdjet qarjysyna salynǵan nysandardy keiin jekemenshik kompaniialarǵa tapsyramyz. Al olar basseinge baryp júrgen nemese ippoterapiiamen ainalysatyn balalarymyzdyń esebinen paida tabady», – dedi depýtat.
Sergeev ákimdikten bul sheshimdi qaita qarap, taldaý júrgizýdi surady. Ol bastapqyda keshen balalardyń tegin ippoterapiiamen ainalysýy úshin satyp alynǵanyn da eske saldy.
Ákimdiktiń jaýaby
Qalalyq dene shynyqtyrý jáne sport basqarmasynyń basshysy Vasilii Levittiń aitýynsha, bul másele ázirge kelissózder deńgeiinde tur.
