Alataý qalasynda qoqys polıgonynda oryn alǵan iri órtke baılanysty jergilikti aýqymdaǵy tehnogendik sıpattaǵy tótenshe jaǵdaı rejımi engizildi, dep habarlaıdy Dalanews.kz.
Bul sheshim Qazaqstan Respýblıkasynyń qoldanystaǵy zańnamasyna sáıkes qabyldandy.
"Órt aýqymdy aýmaqty qamtyǵandyqtan, tótenshe jaǵdaı rejımin engizý barlyq qajetti kúshter men quraldardy – órt sóndirýshilerdi, qutqarýshylardy, arnaıy tehnıkany der kezinde jumyldyrýǵa jáne barlyq qyzmetterdiń jumysyn úılestirýge múmkindik beredi", - delingen habarlamada.
Qabyldanǵan sharalar saldardy joıý jumystaryn jedeldetýge baǵyttalǵan.
Jaǵdaı turaqty baqylaýda. Turǵyndardyń ómirine esh qaýip joq. Barlyq qyzmetter kúsheıtilgen rejımde jumys istep jatyr.
Órttiń shyǵý sebebin anyqtaý maqsatynda arnaıy tekseris júrgiziledi.
