16 qyrkúiekten bastap Diversity Visa (Green Card) baǵdarlamasyna tirkelý endi tegin emes. Qatysýshylar árbir ótinim úshin 1 dollar kóleminde tólem jasaidy, dep habarlaidy Dalanews.kz.
Buǵan deiin jyl saiynǵy lotereiaǵa qatysý tolyǵymen tegin bolsa, endi jańa tólem AQSh Memlekettik departamentiniń konsýldyq qyzmetter tarifine engizildi.
AQSh-tyń federaldy reestr saityndaǵy aqparatqa sáikes, bul qadam derekterdi óńdeý shyǵynyn barlyq qatysýshylar arasynda ádil bólýge jáne jalǵan ári jappai ótinimderdiń aldyn alýǵa kómektesedi.
Sarapshylardyń boljaýynsha, tólem AQSh biýdjetine jyl saiyn shamamen 25 million dollar kiris ákelmek.
Aita keteiik, Diversity Visa baǵdarlamasy 1990 jyldan beri jumys isteidi. Jyl saiyn jer sharyndaǵy qatysýshylarǵa turaqty turýǵa 50 myń ruqsat qaǵazy (Green Card) beriledi. Buǵan qosa, 5 myń kvota Ortalyq Amerika elderine bólinedi.
Negizgi vizalyq tólem burynǵydai 330 dollar bolyp qala beredi.
