Áleýmettik jelide Qazaqstannyń burynǵy prezidenti Nursultan Nazarbaev óziniń memýarynda "ekinshi otbasym" dep ataǵan Ásel Isabaevanyń jańa fotosýretteri tarady. Qazir ol 46 jasta, dep dalanews.kz tilshisi dalanews.kz saityna silteme jasap habarlaidy.
Sýretterdi Instagram paraqshasynda belgili fotograf Miras Baianov jariialaǵan. Ol sán salasynda jumys istep, túrli brendtermen birlesken jobalarǵa qatysyp júr.
Fotograf Ásel Isabaevamen túsirilgen kadrlarǵa erekshe sipattama berip, ónerge jaqyn adamdarmen jumys isteý ózi úshin mańyzdy ekenin jazǵan.
"Men úshin árdaiym ónerge jaqyn bolý mańyzdy. Ásirese, sonyń bir bólshegine ainalǵan adamdarmen birge bolý. Ǵajaiyp Ásel Isabaeva – meniń kózqarasymmen", – dep jazdy ol.
Ásel Isabaeva kópshilikke "Astana balet" teatrynyń art-menedjeri retinde tanys. Buǵan deiin onyń esimi halyqaralyq zertteýlerde de atalyp, ofshorlyq kompaniialar arqyly iri kólemde qarjy alǵany týraly aqparat taraǵan.
Aita keteiik, Ásel Isabaeva 1999 jyly "Miss Qazaqstan" baiqaýynda jeńimpaz atanǵan. Al Nursultan Nazarbaev ekinshi otbasy bar ekenin 2023 jyly jaryq kórgen "Meniń ómirim" atty memýarynda ashyq jazdy.
Kitapta Nazarbaev Ásel Isabaevamen sulýlyq baiqaýynan keiin tanysqanyn, keiin jaqyn aralasa bastaǵanyn aitqan. Onyń sózinshe, olar musylman dástúrimen nekege otyrǵan.
Bul nekeden Taýman jáne Baiken esimdi eki ul dúniege kelgeni de memýarda jazylǵan. Buǵan deiin bul málimetter beiresmi aitylyp kelse, kitap arqyly alǵash ret ashyq túrde aityldy.
